ﺩﺭ ﺍﻧﺘﻈﺎﺭ ﺗﻮ ﺍﯼ ﻣﻪ ﺯﮐﻒ ﺑﺮﻭﻥ ﺷﺪﻩ ﻃﺎﻗﺖ
ﭼﻮ ﺧﺴﺘﻪ ﺣﺎﻝ ﻭ ﻏﺮﯾﺒﯽ ﺷﺪﻡ ﺑﻪ ﮐﻮﯼ ﺩﯾﺎﺭﺕ
اشعار
ﭼﻮ ﺧﺴﺘﻪ ﺣﺎﻝ ﻭ ﻏﺮﯾﺒﯽ ﺷﺪﻡ ﺑﻪ ﮐﻮﯼ ﺩﯾﺎﺭﺕ
شاعر:مضطر اردبیلی
یارالار سینونده قارداش، گل گلستانه بنزر
آغاریب منیمده زلفیم، چمن خزانه بنزر
نئجه شرح ائدیم برادر باشیمین مصیبتیندن
کی گوروندو بیر نمونه بشرین قیامتیندن
نئچه ساعتین ایچینده، غم و جور شدّتیندن
باجیوون رشیده قدّی، اگیلیب کمانه بنزر
نئجه زینبون رضادیر، سنی یاندیرا حرارت
بیلیسن کی سایبانه، یوخ الیمده استطاعت
بو مکاندا دود آهیم، ائلییر منه حمایت
کسر ایستینین قاباقین، سنه سایبانه بنزر
بو جنازه لر کی باشسیز توکولوبدو ریگزاره
نه جلالیلن سالیبلار، سنی دوره دن حصاره
اولارین باشی جداده، دوزولوبدی چون ستاره
وَسَطینده قانلی باشون منه آسمانه بنزر
سن اوشاقیدون، اوپردی اورگون بابام پیمبر
بو یئره دییردی بیر گون دَیجک یارا مکرّر
گورورم دگیب کئچیب اوخ، سورا سانجیلیبدی خنجر
بو یارا بابام محمّد، دئدیگی نشانه بنزر
جگرونده وار حسین جان، علی اکبرین یاراسی
اورگون قانیله سیراب، اولور هر زمان بناسی
دوشجَکدی شرق و غربه، او یارانین انجلاسی
تر و تازه دیر همیشه، گل ارغوانه بنزر
او زمان گورنده شمرین قانا خنجری بویانمیش
حَرمون، باجون، کنیزون، باشووا گلیب دولانمیش
قاچا قاچدا بو مکانه او قدر ایاق توخانمیش
کی کنار قتلگاهون، ره کاروانه بنزر
بالاجا قیزون رقیّه، او عزیزه نازدانه
دولانیبدی آت دوشونده، اورگی دونوبدو قانه
یوزونه دَگیبدی سیلی، باشی اوسته تازیانه
سارالیب سولوبدو رنگی، ساری زعفرانه بنزر
سن ای آفتاب عزّت، ائله نیزه دن نظاره
نئجه گور بیزه ایشیق گون، گئجه تک اولوبدو قاره
هامی اَختَران عصمت، دوزولوبدو بیر قطاره
ره قبله نین دلیلی، صف کهکشانه بنزر
اورگیم باشین آلاندا، غم و محنتون سحابی
او بیلیر عزالیم من، یوزومه سپر گلابی
توکولور سرشگ چشمیم، یئره ایسلادیر ترابی
گوزومون یاشی آخاندا، مُژه ناودانه بنزر
گزرم بو گلستاندا، گَلنی صفالی گوررم
آچیلان گولون ایچینده، دوزولن تیکانی دررم
قطرات اشکیمیله گل و گلشنه سو وئررم
گوره سن وفالی زینب، نئجه باغبانه بنزر
.
دل یحیوی ده دائم اولو جلوهگر بو نیّت
گینه بیر گئجه جمالون یوخودا ائده زیارت
بیلیسن کی آشیانی نه قدر تاپار شرافت
دولانور سرای مسکین، او گئجه جنانه بنزر
#مرحوم_تاج_الشعرا_یحیوی_اردبیلی
سزاست قبله بگردد به سمت روی ابوالفضل
که کعبه نیز بود اخر در ارزوی ابوالفضل
نگاه انس و ملایک در عشق سوی حسین است
ولی نگاه حسین هم بود به سوی ابولفضل
بنده ی حقیر محمد رضا رحیم نواز
انور امان نامه سئوال و جواب امام(ع) با حضرت ابوالفضل (ع)امان نامه
ای لشکریمون سرور و سرلشکری قارداش
وی حق الینون الده کسن خنجری قارداش
اشعارحاج انور (ره)]شهادت حضرت علی اصغر ع
حاجی انور اردبیلی
زینبا عباسیم ئولدی دیده گریان گلمیشم
دوغرانوب سرلشکریم سر در گریبان گلمیشم
من حسینم ساغر عشقون ازلدن مستیم
قاچمارام غمدن باجی عاشقلره سردستیم
آی محاقه دوشدی من سیریمده گون تک خستیم
جمع اولون اطرافیمه حالی پریشان گلمیشم
نسگلی چوخدور اورکده باشلیوم هاردان سوزی
پرچمه باخسوز بیلرسوز نه حالا قالمش ئوزی
بیر گوزی آخمشدی قانیله دولیدی بیر گوزی
ائتمیشم بوسه او گوزدن لبلریم قان گلمیشم
زندگی رختین اونی قولسوز گورندن سویمشام
آند اولا مظلوم ابوالفضله جهاندان دویمشام
سروی حیران ایلین قدین بوداقسز قویمشام
اولمشام اما بوداقسیز سروه حیران گلمیشم
جامهِ اشکی بو معواده گرکدور گوز ،گیه
بیر سوزوم واردی اثر ایلر سنه هم اوزگیه
هیچ گوروبسن بیر داشی آیا دگنده گوزگیه؟ ۱
من قویوب میداندا اوحالدا عباسی الان گَلمیشم
گوزگی به معنی آینه است
شاعر:استاد حاج انور اردبیلی
زبانحال حضرت رباب (س)
.
مرحوم انور اردبیلی
.
باغلیوبلار سو یولون آغلاما بیچاره على
ایلمه سینمی انگشتویله یاره على
.
.
ایستینون حدّت و تأثیری سارالدوب یوزووی
طاقتون یوخ گوزون آچماقه یوروبسان اوزووی
دانشا بلموسن اما بلورم من سوزووى
چاره لی دردوه چاره ایلیه بلمور آنون
سن ئولورسن سوسوزوندان نیه بس ئولمور آنون
.
.
باغبان گورسه عطشدن گلنون رنگی سولور
گلدن آرتوق اوزی افسرده لنوب رنگی سولور
سو و یرر ریشه سینه آفتی تئز زایل اولور
سن ربابون گلی سن حیف اولا سو یوخدی علی
اورگیمده عطشوندن عطشیم چوخدی على
.
.
طایر نیمه نفس تک آچوسان شهپریوی
ووروسان قنداقوا هی بالاجا اللریوی
الى قویندا نجه قویدی فلک مادریوی
اورک آئینه سینه دودۀ آهیم یاخورام
وای منیم بختیمه سن جان ویروسن من باخورام
.
.
کاشکی قاره بولوطلار بو چوله سایه سالا
گیزلنه گون بولوط آلتندا حرارت آزالا
گلشن آل عبا سولمیا ایمنده قالا
هر نفسده جگرون آرتمیا سوز عطشی
قورتارا شاید آنیلا بالانون کشمکشی
.
.
نقدر خیمه لری گزدی خانم عمّه لرون
بیر ایچیم اولمادی سو آخمیا تا اشک ترون
نفسون تنگه دوشوب دمبدم آرتور خطرون
نه روا گل کیمی لبلر سوسوزوندان یانسون
سو یولی باغلیانون چاره یولی باغلانسون
.
.
باخدوقیجا یوزووه سینمی من داغلامشام
آغلادوقجا سنه لایلای دیمیشم آغلامشام
گاه آچوب اللروی گاهی اوغول باغلامشام
رمزیله دردوی اظهار ایلدون مادرووه
سینمون قانینى یاخدون بالاجا اللرووه
.
.
باجیلارون سوسوز آهو کیمی یاندوقجا ملور
الده سو جامی یوزه اشکینی حسرتله الور
سنی گهواره ده هر قز که گورور رحمی گلور
ایله فکر ایلیوسن ایستییَنون یوخدی على
یوخلامورسان ولی لایلای دییَنون یوخدی على
.
.
سن اسیر عطش اولدون من اسیر مجنون
چرپنورسان قفس غمده یوخون یوخدی سنون
آچ گوزون گور نقدر واردی بشیک ترپدنون
دیده تر قزلار اوزون باشوون اوسته اوتوروب
گوز بولاقنده سوسوزلار سنیچون سو گتوروب
.
.
قورخورام دست حوادث سنی بیر حاله سالا
عمروون غنچه سی هیچ آچمیا سربسته قالا
روزگارون روشی عزّتیمی الدن آلا
سن سونن شمع اولاسان عالم هجرانه اوغول
من اولام دهریده پرسوخته پروانه اوغول
.
.
آند اولا اوج جلالتده سنان شهپریمه
آند اولا دیدۀ تردن آخان اشک تریمه
آند اولا اشکیله آلوده قرا معجریمه
آند اولا نازلو رقیه باجوون خوش سوزینه
یانارام آتش هجریمله مصیبت کوزونه
.
.
یاخمارام زلف پریشانمه عمرومده حنا
چخادوب تازه لباسی گییرم کهنه قبا
گون قباقنده اوتورّام ایدرم آه و نوا
زندگی عشقینی باشیمدن ئولونجه آتارام
بالاسی اوخلانان آهو کیمی پوزقون یاتارام
.
.
سو گورن وقته سو تک گوزلریمون اشکی آخار
عوض سرمه دوتار گوزلریمی گرد و غبار
او قدر نالیه گلّم خانم عمون دارخار
صحن محنتده خزان برگی کیمی سولام على
عالم عشق و محبتده فنا اولام على
[Forwarded from اشعار استاد منزوی اردبیلی]
شهادت حضرت علی اکبر( ع )
جهاندا گورمسین هیچ بینوا اوغول ئولومی
هزار درده ایدر مبتلا اوغول ئولومی
جوان اوغول یریینده آتا اولار مسرور
ایدر آتانی قوجا وقتی شیر تک مغرور
اوغول ئوله آزالار فوری گوزلریندن نور
تز ئولدورر آتانی ای بسا اوغول ئولومی
بلی آتا گوزینه صبح تک ضیادی اوغول
گوزونده نور دیزینده بیوک قوادی اوغول
آتا قوجالسا النده گوزل عصادی اوغول
ویرر آتانون الینه گوزل عصا اوغول ئولومی
سئوال اولوندی بو سوز خاتم رسالتدن
ندور مصیبت اعظم هامی مصیبتدن
بفوری گوزلری ایسلاندی اشک حسرتدن
بویوردی قلبه ورار چوخ یارا اوغول ئولومی
دیدیلر ایله دوباره بیزه بو سری علن
ندور چتین بو مصیبتدن ای رسول زمن
دیدی اوغول ئوله تازه گلین چخا ایودن
ایله چتیندی که دوشمز یادا اوغول ئولومی
ایا رسول خدا آغلا نور عینون تک
گوتور عماموی ئوز شاه مشرقینون تک
اوغول اولا علی اکبر آتا حسینون تک
گور ایندی نیلر ایله مه لقا اوغول ئولومی
اوغول جنازه سی اوسته او سرور شهدا
دیوبدی حسرتیله یدی دفعه وا ولدا
گوروب قولاقینه گلمور اوغول سسی ابدا
دیدی نه مشگل اولور ای خدا اوغول ئولومی
ئورک دوزنمدی اسدی اوغول فراقندن
آلشدی جان و دلی ناز اشتیاقندن
اگلدی یوزیوه قویدی ئوپوپ دوداقندن
دیدی اوغول ایدر عمری فنا اوغول ئولومی
غریب آتون باشون اوسته ورور الین الینه
عمامه سین گوتوروب ختم مرسلین الینه
اوغول آنون الوی ویرمدی گلین الینه
اونیدا ایلدی بخت قرا اوغول ئولومی
واروندی دل دوداقونده اگر چه یاره دانش
گوزون فداسی اولوم ایلمه اشاره دانش
دلون تکلمه عاجزدی پاره پاره دانش
ایویمی یخدی بو قدی رسا اوغول ئولومی
استاد منزوی اردبیلی
⚫️مناجات حضرت امام حسین در قتلگاه
قتلگاه امام حسین با صدای جاودان حاج سلیم سال 1360
/torki/salim/haj.salim-albom002-4.mp3
http://s1.mosalman.net/torki/salim/haj.salim-albom002-4.mp3
روضه " من عزیز فاطمه ام فلک " مربوط به سال 1346
مدت : 50 دقیقه
مداح : سلیم موذن زاده
حجم : 24 مگابایت
شاعر مرحوم : عباسقلی یحیوی اردبیلی متخلص به ( یحیوی )
نام نوحه : شجاعت حضرت ابوالفضل (ع)
صاحیب-ی-وقار عباس، میر-ی-تاجدار عباس
حیدرین رشید اوْغلۇ، شیر-ی-نامدار عباس
چکدی نقشهی-ی-جنگ، تۇتدۇ جنگه چون تصمیم
سینه ایکی اللــهر، شاهه ائیلهدی تعظیم
آلدێ تئشنه سولطاندان، اؤز وظیفهسین تعلیم
رمز دفتهرین سولطان ائیلهدی اوْنا تسلیم
اوْلدۇ ائحتیرامیلهن خئیمهدهن کنار عباس
بیر گئدیب آتێن تنگین، تۇتدۇ سر لجامیندهن
گلدی تا عوبور ائتسین، تئشنهلهر مقامیندهن
بیر بؤلۆک خانێم قێزلار، چێخدێ اؤز خییامیندهن
یاندێم العهطهش یاندێم، سس گلیب سۇ جامیندهن
اوْل سۇسۇز بالالاردان اوْلدۇ شرمسار عباس
جانێنێ گئروْ قوْیدۇ، ائتمهیین دئدی ناله
قئیمهتی نه قدر اوْلسا، سۇ گتیررهم اطفاله
من کی صادق-وْ-القوْلهم، قالدێ هیممهت ایقباله
آفهرین بۇ کئرداره، آفهرین بۇ افعاله
ائی جوان-ی-دریا دیل، ائی وفا شۇعار عباس
یئتدی پیش-ی-اعداده، رسمهن آت دوْلاندێردێ
هر یانا ائدیب حمله، برق-ی-تیغی یاندێردێ
پوْزدۇ دستهلهر نظمین، تا سیپاهێ سێندێردێ
نحر-ی-علقهم اۆستۆنده، وۇردۇ بئیرهغین دۇردۇ
بیر هدهفده دریانێ، ائیلهدی شیکار عباس
بیر اوْوۇج سۇدان گؤتدۆ، گتدی گؤز قاباغینه
تئشنهلهر سسی دۆشدۆ، ناگههان قۇلاغینه
باخدێ باطین عالهمده، اصغرین دوْداغینه
ایچمهدی سۇیۇ آتدێ، مرکهبین ایاغینه
دوْلدۇرۇب سۇدان چێخدێ، مشگین اشکبار عباس
خط-ی-سئیرینی سالدێ، نخلگاه آراسێندان
دۆشدۆ لئشگهره وحشهت، سهمگین نداسێندان
هئی تؤکهردی باشلارێ، تیغ-ی-جان روْباسێندان
دوْلدۇ کربلا دشتی، الحهذهر صداسێندان
یوْم-ی-حشری اعدایه، قێلدێ آشیکار عباس
اسدی توْند بیر تۇفان، اوْلدۇ رویئ عالهم تار
گؤردیلهر کی دندانه، مشگینی آلێب سردار
سینه ده علم قانلێ، بس هانێ اۇزۇن قوْللار؟
اوْغلۇنۇن اوْ وقتینی، فاطیمه دییهر آغلار
سؤیلهیهر آنان قۇربان، ائی حۆسئینه یار عباس
بیر زامان حۆسئن تاپدێ، باش آچێق علمداری
گؤردۆ قاندێ بیر پارچا، اوْل وۆجۇد-ی-گۆلنارێ
بیریانا دۆشۆب مشکی، بیر طرهفده قوْللارێ
بایراغین هارا دۆشمۆش، کربلا سیپههداری
یاتما دۇر بئلیم سێندێ، اوْلدۇم ایندی خوار عباس
یحیوی یاز عباسه، نؤوحه عؤمر فۆرصهتدی
وقتیکی احئببالهر دفن ائدیب سنی گئتدی
اقرهبا اوْغۇل قارداش، سندهن اۇنسی ترک ائتدی
اوْندا سن گؤرهرسن، بۇ زحمهته عوهض یئتدی
یعنی باشێن اۆستۆنده بایراغێن وۇرار عباس
----------------------
موضوع :سواره تیغ برق افشان...
سواره تیغ برق افشان الینده فکری دعوا دور
مرصّع دور لجامی، مرکبون زینی مطلّا دور
قزل جوشن وار اگنینده جلال و شأنی اعلا دور
حسین ابن علی روح نبی دلبند زهرا دور
بو وصفیلن گلوب میدان جنگه حیف تنها دور
سلاح جنگینون هر قطعه سی میراث سلطانی
رسول اکرمون درّاعه و دستار شایانی
جناب حمزه نون گوهر نشان نُه قبّه قلخانی
علی المرتضی نون ذوالفقار تیز و برّانی
طلابفت و جواهر کوب یک قبضه دو پهنا دور
هوایه ذوالجناحون نعل آلتدان کیمیا قالخار
کانّه دنده ی سوهانیدن مغز طلا قالخار
نئجه لاهوته گور ناسوتیدن نور خدا قالخار
سوسوز لبلردن اما کلمهی انّی فدا قالخار
کنایه بو مبارک کلمه دن ذبحاً عظیما دور
حسینه خارجی آدی قویوبدور زاده ی هنده
شریحون خط و امضا سیله تکمیل اولدی پرونده
او حکمون رو نوشتین یازدی اوراقه نویسنده
سراسر مملکتده ائتدیلر پخش و پراکنده
حسینون قتلی گویا مسلمینه فرض ایفا دور
یزیدون حیطهی حکمینده اسلامی اولان یئرلر
نقاط آسیاده چینه پیوسته نئچه کشور
حدود غربده اقیانوس اطلس، موج آور
شمالاً انتهای سیبریه مرزیدی سرتاسر
جنوباً استوائی خطه تاریخ حکمفرما دور
حبش نزدیک خط استواده خاک آفریقا
اروپاده فرنگستانیدن بیر حَد مستثنی
شمالیده وین اطریشده پاتختدور حالا
هنودستاندا پاکستان فعلی خطّهی زیبا
قدیمی نقشه لرده بو ممالک نصف دنیا دور
بو وسعتده ممالک ده دهستان واردی شهرستان
گله هرتک تکیندن اون نفر تشکیل تاپار ملیان
فریضه بیلدیلر حکم شریحی مردم نادان
بلا صحراسینه لشکر شتابان اولدی هر یاندان
گوروندی روز عاشورا قشون چوخ موج دریا دور
شیوخ نهروان قرآن حمایل آلنی برجسته
سُنین نیزهلر بنذر زبان افعی مسته
سه شعبه تیر و پیکان جعبه دانلاردا نئچه دسته
قلجلار سوولانوب قول چمرانوب دامن بئله بسته
امام ئولدورمگه الله اکبر گور نه غوغا دور
نقاب اعرفونی آتدی وجه الله جمالیندن
او نابینالر آلسون فائده شمع وصالیندن
یاغاردی دُرّ ابیض لعل و یاقوت اتصالیندن
اولون آگه جماعت سیز حسینون شرح حالیندن
بابام احمد آتام حیدر آنام زهرای کبرا دور
ندای اعرفونی دفعتاً ناقص قویوب لشکر
آیاقلار بیر بیرینه دگدی سسلندی اوزنگیلر
نئجه آهن دوگنده سسلنور دکان آهنگر
پیاده صف لریندن ظاهر اولدی مختلف سسلر
امامون حجتینه بو هیاهو عذر بی جا دور
بو وضع نامناسب شهریاری ائله دی وادار
او قومه بیر نمونه قدرتیندن ائله سین اظهار
بویوردی ایها الجند الشاطین اسکتوا زنهار
واریمدور اقتداریم روحوزی الآن ائدیم احضار
منیم حکمیم تمام انفاس و ارواح ایچره مجرا دور
نشست ائتدی او دم رعب امامت نحس دللرده
تصرفله قوروتدی قوّهی روحی بدنلرده
پیاده یا سواره دوردی ساکت دوردوقی یئرده
یونولمیش داش تک هیکللر صف اندر صف برابرده
فنا آیینه سینده هر بیری بیر صورت لا دور
بو قدرتلن سیزی ائتدیم مخیّر اوچ سوزه لشکر
گورون ذی نفع سوز هانسیندا اجرا ائیله یین سیزلر
قیتسون یثربه منع ائتمیون تا آل پیغمبر
وئرون یا بیر بیچیم سو تشنه دور تشنه یانور لبلر
و یا گنجیمه گلسون بیر به بیر کیم مرد هیجا دور
قبوله یتمدی افسوس شرط اول و ثانی
اوچومجی شرط قانون عرب جلب ائتدی اعدانی
شجاعان مبرّز گلدی دوتدی راه نیرانی
او روباهان کم جرئت تانیدی شیر میدانی
غراب بی هنر هاردان حریف رزم عنقا دور
گوروب سعداوغلی تاپماز قصدی بو ترتیبلن انجام
وئروب فرمان یئریندن اوینادی نیروی خون آشام
قشون واحدلری جنگ وجود واحده اعزام
او غیر عادلانه حمله که اونلار ائدوب اقدام
نه قانون عرب طرز رسم ترسا دور
نئجه پوره وئرور یای فصلی پشَه شهد ناب اوسته
اونون مثلینده لشکر حمله گتدی اول جناب اوسته
نئجه بیر خشمگین شهباز اوچار فوج غراب اوسته
اونون مثلینده حضرت زیندن قالخوب رکاب اوسته
ملخ دن موردون زنبوردن شیره نه پروا دور
دوهلر صیحه سی آت شیهه سی آواز واویلا
عربلر سسلنور طبل و دهل گرهاگر اعدا
طنین اندازی دی آفاقه صوت غرّش و عرّا
او ساعتدور اهم ساعت ساعات عاشورا
هامی قدّوسیان حیرتده مشغول تماشا دور
هوانی توز دونوب یئللر اسور صحرا اولوب طوفان
زرهلر سسلنور اوخلار یاغور ردّ ائیله ییر قلخان
پاریلدار تیغلر آت دیرناقیندان برق اولور تابان
حسینون صولتی فرداً به فردین ائیله ییب لرزان
گوروندی هرباش اوسته بیر حسین بیر تیغ برّا دور
انا بن راکب الرفرف مقیمالعرش بالنعلین
انا بن ضارب السیفین انا بن صاحب الرمحین
انا بن فاتح خیبر انا بن فارس الصفین
انا بن سیّد الکونین با کی العینین
قریشون افتخاری خانه زاد حیّ یکتا دور
ابی مخنف دئیر بیر گوشه ده دور دوم تماشایه
حسینون سینه سین گوردیم نشان تیر اعدایه
اوخا پیوند اولوب اوخ تپراقا اوخلار سالوب سایه
یوخیدی یاره سی دالدان دلیلیم وار بو معنایه
او حضرت غیر فرّار اوغلیدور کرّار اعدا دور
قناد آچمیشدی اوخدان اوخشیوردی مرغ پرداره
زره منفذلریندن قان آتاردی مثل فوّاره
محاسن مولریندن قان سوزردی زین زرداره
اولوبدور ذوالجناحون سینه بندی سینه ده پاره
بویانمیش راکب و مرکوب چون یاقوت حمرا دور
بو حالتدن عجبتر حیرت آور بیر بو مطلب دور
اؤلوب قارداشی اوغلی لشکری قانه مخضب دور
قالان تنها اوزی دور بیر قلج دور بیرده مرکب دور
سسینه سس وئرن عورت اوشاقدور بیرده زینب دور
بو اوصافیله اعدا افکن و ضرغام غرّا دور
روایتدور چکردی اول جناب هر نعره که دلدن
مبارزلر وئروردی اختیار مرکبی الدن
چکیلدی کوفه سمتیتنه قاچان لشگر مقابلدن
کنار اولدی او ساعت نور حق ظلمات باطلدن
بلی دیجوردن شمس جهان آرا مبرّا دور
قیتدی مرکز میداندا دوردی مفخر لولاک
آلیشمیشدی حرارتدن اورک، عطشان دوداقلار خاک
قوری تخته کیمی آغزیندا دیلدن سس اولور ادراک
خطابی لشکر سفیانه من الما دور
کئچوردی بیر نفر سیّاح دنیاگرد گردآلود
الینده چوبدست آشفته مو چالاک و ره پیمود
حمایل گردنینده سو دولی بیر قمقمه موجود
غذا و قوتی همیانینده مست بادهی مقصود
زمین کربلاده گوردی بیر محشر هویدا دور
داغیلمیش حربگاهه قولدی باشدی دوغرانان پیکر
دایانمیش نیزیه بیر سیّد وظلوم و بی یاور
دوداقینده دیلینی گزدیرور گویا که سو ایستر
ولی تشخیص اولونماز پیکری پیکاندور اعضادور
چیخارتدی کیسه دن بیر ظرف چوبینه شتابیلن
همان ظرفی لبالب ادی فی الفوری آبیلن
مقابل اولدی سیاح احتراماً اول جنابیلن
ایکی الده تعارف ائتدی عذر بی حسابیلن
دئدی آل ای غریب ایچ بو سوئی خیلی گوارا دور
او میراب بهشتی ساقی کوثر دلارامی
کمال لطف ایلن سیّاح الیندن آلدی اول جامی
سوئی سپدی یئره سو ایچمدی بو تشنه هنگامی
ایکی انگشت آرا سیندان ائدوب سیّاحه اعلامی
بویوردی گور نه عالم سیر ائدورسن هانسی ماوا دور
امامون امرینه تسلیم اولوب سیّاح خوش کردار
چکیلدی پردهی غفلت گوزیندن کشف اولوب اسرار
باخاندا بیر مکان گوردی مشجر گلشن و گلزار
ریاض جنت فیها عیون تجری الانهار
قدحلر الده شربتلن دولی آماده حورا دور
دوباره ائیله دی سیّاحی آگه سرّ پنهاندان
توکوب سو جامینه بیر قبضه حضرت ریگ میداندان
قاماشدی مرد سیّاحون گوزی برق درخشاندان
دولی گوردی سو جامین گوهر و لعل فروزاندان
تمام الماس و مرجان و زبرجد درّ لالا دور
گورنده بو ایکی اعجازی غیبون پرده داریندن
تعجب ائیله دی شاهون عجایب اقتداریندن
بو ایستی بو عطش بو قدرت و صبر و وقاریندن
ییخیلدی ذوالجناحون اوپدی سُمّ خاکداریندن
دئدی جانیم سنه قربان بو نه سرّ معما دور
بویوردی من امام عالمینم ای سعادتمند
فراتی قادرم آب حیاته ائیلهم پیوند
علی اوغلی حسینم من بلاده شاکر و خرسند
اوزوم اوز رغبتیمله دام عشقه اولمیشام دلبند
شهادت شاهده شیرینتر از شهد مصفّا دور
بودور علت بو قدرتلن بئله عطشانم ای سیاح
یازیلمیش عهدناممده سوسوز قربانم ای سیاح
مقصرلر پناهی محرم دیوانم ای سیاح
عزاداره جزاده شافع عصیانم ای سیاح
بهشت اهلی دی کیم اهل بکا و او تباکا دور
شهادت امری صادر اولمادی سیاحه مولادن
شفاعت قولین آلدی آغلادی گئتدی او صحرادن
دولاندیردی لجام مرکبی حضرت او ماوادن
وداع آخرین قصدیله اندی تلّ بالادن
او تلّی که میان عرصه و اخیام طاها دور
خانم زینب دئییر خیمه قباقینده باخوردوم من
گوروم آیا حسینیمله نه رفتار ائیلیه ییر دشمن
سرازیر اولدی بیر تپراقلی طوفان تلّون اوستیندن
گلور توز درک اولونماز بو نه توزدور قوزانور یئردن
توز ایچره آت ایاقینون صدای نعلی پیدا دور
تعجب حالیله دقت ائدردیم تا ندور مطلب
یاخونلاشدی توز آیریلدی نمایان اولدی بیر مرکب
آت اوسته پارچا قاندان غیری بیر زاد گورمدیم یا رب
صدا گلدی علیکن السلامی اختی یا زینب
تانیدیم لهجه سیندن کیم حسین بو لفظه گویا دور
سیزی اللهه تاپشوردوم بویوردی شاه بی لشکر
داخی یوخ صحبته فرصت منی زهرا آنام گوزلر
فراز عرشدن جدّیم پیمبردور منی سسلر
قیامتده عزاداریم اگر من گئتمسم نئیلر
بو باش بو جان لو پیکر قیمت مقطوع سودا دور
ائله سرعتله آت سوردی حسین میدان دعوایه
نه زینب یادینه دوشدی نه باخدی آه لیلایه
دالیجان منده یوز قویدوم گوزی یاشلی او صحرایه
دئدیم قارداش قسم وئررهم سنی مظلومه زهرایه
حسین جان بیر توقّف قیل باجون صاحب تمنّا دور
حسینین ساخلادی یولدان شرار آهیلن زینب
یول اوسته قول بویون اولدی او شاهنشاهیلن زینب
ائدیبلر رمزلی صحبت ولیّ اللهیلن زینب
قیتدی خیمه سمتینه دل آگاهیلن زینب
او صحبتدن نتیجه هر بلالرده شکیبا دور
تمام ائت «یحیوی» تحریره یوخدور خامه ده یارا
فصاحتله بو نظم آبداری ائیله دون انشا
آپارسون فیض سرشارین مجالسده آتان یحیی
چکوب زحمت بساط کربلائی ائتموسن احیا
نقدری واردور آثارون آدون مشمول احیا دور
-------------------------
نام نوحه: حضرت سکینه اثر : یحیوی
سۇ یوْللارێن کسدی عدو، یاندێم عمو یاندێم
ائحسان ائله بیر جوْرعه سۇ، یاندێم عمو یاندێم
بیللهم عموجان محضهروندا حۆرمهتیم واردێر
باخ گؤر ایاق اۆسته دایانماق طاقهتیم واردێر
یاکی سۇسۇزلۇقدان دانێشماق قۆدرهتیم واردێر
بیر جوْرعه سۇدان اؤتری من، یاندێم عمو یاندێم
بیربیر بۇ خئیمهگهلهری گزدیم سوْراق ائتدیم
سۇ تاپمادێم ائی سروهریم، من هر یئره گئتدیم
اۇمۇدیلهن درگاهیوه، آخهرده یۆز گتدیم
باب-ی-کرهمدیر بۇ قاپێ، یاندێم عمو یاندێم
من قوْی دوْلانێم باشیوه، چۆن شمع-ی-پروانه
سن ده طبابهت ائیله بۇ درده طبیبانه
باخ بۇ لب عطشان قێزلارا، آواره طئفلانه
ائیلهر نئجه سۇ جوْستئجو، یاندێم عمو یاندێم
تنگه سالێب سوزئ عطهش، بسکی اۇشاقلارێ
سینه آراسێنا باسێللار ایستی قۇملارێ
گؤر ایش هارا چاتمێش حۆسئنین خێردا قێزلارێ
اوْد دان ائدیر سو آرئزو، یاندێم عمو یاندێم
چێخمێش صئدای العطهش، عرشه بۇ مأواده
دیققهتله باخ بۇ ناله-وْ-افغان-وْ-فریاده
بیر قطره سۇ اۆستۆنده دیر، بۇ غملی صحراده
بۇ کئشمهکئش بۇ های-وْ-هو، یاندێم عمو یاندێم
شیرین دیلیم نازلێ قێزێم، گؤز یاشیوه قۇربان
آب-ی-فراتی باغلارام، من خئیمییه الآن
صبر ائت بالام بۇ دیللـهرون ائتدی منی گیریان
ائتمه یانێغلێ گوْفتئگو، یاندێم عمو یاندێم
ائی کربلا سولطانێنێن غئیرهتلی سرداری
آل بۇ قۇرۇ مشکی آپار، دوْلدۇر سۇدان باری
سیراب قێل، آللاه ریضاسینه، سۇسۇزلاری
ائی اهل-بئیته-آبئرو، یاندێم عمو یاندێم
گهوارهده غش ائیلهییبدیر، شیرخوار اصغر
نه سۆد وار امسین، وار نه سۇ ایچسین آخێب گؤزلهر
رنگی طراوهتدهن دۆشۆب، برگ-ی-گۆله بنزهر
سوْلمۇش اوْ طئفل-ی-ماه رو، یاندێم عمو یاندێم
ایسته زییارهت یحیوی انعام اشعاره
عباسی امما وئر قسهم، اوْل وقت-ی-دوْشواره
عرض ائیلهدی عطشان سکینه، اوْل وفاداره
سۇ یوْللارێن کسدی عدو، یاندێم عمو یاندێم
----------------------------
نام نوحه : زیارت و سلام اثر : یحیوی
تئشنــه ســۇ کنـارینـده، لبلـهره سـلام اوْلسـۇن
قانه غرق اوْلان باشسێز، پئیکهره سلام اوْلسۇن
تـۆربــهت-ی-مقـدسـی کـی، کـیمییـادهن آرتـێقـدێـر
قــوْببــهی-ی-منــوری کـی، نـوْه سمـادهن آرتـێقـدێر
بـوْقعــهی-ی- مطهـری کــی، هـر بنـادهن آرتـێقــدیر
کیــم دییــه بیـلــهر کـعبــه، کـــربـــلا دهن آرتـێقــدێر
اوْنــدا دفـن اوْلان شـاه-ی-بـیسـره سـلام اوْلـسۇن
روحــی روح-ی-ارواحـــه، جــیسمـی روح-ی-ذیروحه
سینــه گــه خـــدهنــگیــلــه، خنجــهریلــه مشروحـه
هــم یـــدان مقــطــوعـــه، هــم قفـــای مــذبــوحــه
لختـه-لختـه قـان دوْلمـۇش، گؤزلـهره سلام اوْلسـۇن
کاکــوْل-ی-سمـهن سمـایـه، قـامــهت-ی-دیـلآرایــه
شـب چیـراق-ی-مظلـۇمان، نور-ی-چشم-ی-زهرایـه
گؤهــهر-ی-شـب افـروز-وْ-اهـل-ی-بـئیتـی طـاهـایــه
طـاقـهت-ی-دیـل-ی-«زینـب»، نـوْجـوان-ی-لـئیــلایـه
قیطعه-قیطعه دوْغرانمێش، «اکبر»ه سـلام اوْلسـۇن
گــۆلعــۇذار-ی-زییبــایــه، ســـرو-ی-قـدد-ی-رعنـایــه
ابـــروْوان قـــوْســینــــه دیــــدههـــای شهـــلایــــه
قانێلـــهن اوْلان الــوان، زۆلـــف-ی-عنبـــهر آســایـــه
آتــــلارێـــن ایــاغـــێنـــده پــــاره-پــــاره اعــضـــایـــه
قـان حنـا خیضـاب ائتمیـش، اللـــهره سـلام اوْلسۇن
طیفـل-ی-بیزبانی کی، گۆل کیمی سوْلۇب یانـدێ
اۆچ گئجه گـۆنـۆز عطشـان، دیـل دوْداغـێ اوْدلانـدێ
ظهــر-ی-یـوْم-ی-عـاشـۇرا، سـۇ یانێنــدا اوْخـلانـدێ
شهپـهر آچـدێ پئیـکانـدان، قـۇش کیمی قانادلاندێ
شـاهبـاز-ی-خــونیـن پــر، «اصغــر» سـلام اوْلسۇن
بیـــر جــــوان کـــی منصــهبــده، کـــربــلا علـمـداری
خون-ی-سوْرخێ ایله رنگین، بئیرهق-ی-نیگۆنساری
قوْیدۇ قان قان سۇیا قییمهت، مشکی اوْلدۇ گۆلنـارێ
سۇ یوْلۇنـدا سعــی ائتــدی، تـا کسیلــدی قوْلــلارێ
صــاحـیـب-ی-دوْ بــازۇی احــمـهره ســلام اوْلســۇن
شیــددهت-ی-ســۇســۇزلـۇقدان، اوْدلانان دوْداغلاره
آت دؤشــۆنــده قــاچــمــاغــدان، زخمــدار ایــاغـلاره
شــامیـــده قـــارانقـــۇقــدا، آج یــاتــان اۇشــاقـــلاره
بیــــر ده «امکـلثـــۇم»ه، «زینـب»-ی-دیــل افـکـــاره
دوْختــهران-ی-خــاتۇن-ی-محشـهره سـلام اوْلسـۇن
خــواهــهر-ی- «علـیاکبـر» قـالـدێ بئیــتالاحـزانـدا
یـوْخ چێــراغـێ یــوْخ فـرشــی، بیـر خرابــه زیندانــدا
تـوْپــراق اۆستـه جـان وئــردی، اؤلـدۆ کافـهریستانـدا
کفـهنــی قــارا معجــهر، دفنــی کــۆنـــج-ی-ویـرانـدا
اوْل «رقیــه»ی-ی-مــؤحنـهت پروهره سلام اوْلسـۇن
سیــدالعبـــادی کـــی بستــــهی-ی-طنـــاب اوْلـــدۇ
شهـریلـهرده حققینـده، ظۆلـم-ی-بـیحئسـاب اوْلدۇ
پیشـــوای ایســلامــه خــاریـجــی خـیطــاب اوْلــــدۇ
آتــهش-ی-شمـاتـــهتــده، خـاطیـــری کبـــاب اوْلــدۇ
اوْل مریــض-ی-دیـل خسته، سروهره سلام اوْلسـۇن
«کوفــه»ده «عقیــل» اوْغـلـۇ «مسلــم»-ی-وفــاداره
«مالـک» اوْغلـۇ «ابراهیـم»، جان نئثار-ی- «مختـار»ه
«ابـن عوسجـه مسلـم» هــم «حبیــب»-ی-ســرداره
شـــاهـــراه-ی-ایـمــانـــدا، جــان وئــرهن جــوانـــلاره
طئفــل-وْ-پیــر-وْ-بــوْرنـایـه، یئکسـهره سلام اوْلسـۇ
به نظم کشیدن وقایع کربلا (واقعه نگاری) توسط شاعران مرثیه سرای ترک
گرچه نوحه اکثریت غالب آثار شاعران مرثیه سرای ترک را تشکیل می دهد که همانا برای
سینه زدن و زنجیر زدن در مراسمات عزاداری محرم استفاده می شود و در وزنهای مختلفی
که قابل اجرا و سینه زدن باشد سروده می شود اما در این میان آثار فراوانی نیز به
تشریح وقایع کربلا پرداخته و به نوعی واقعه نگاری صورت گرفته است و این اشعار دیگر
برای سینه زدن و زنجیر زدن نیست بلکه به عنوان روضه و شرح وقایع می باشد. شاعران
مرثیه سرای ترک در این ساحه نیز گوی سبقت را از همه ربوده و بهترین و غنی ترین آثار
را آفریدهاند و طوری که تا حد جزئیات این مسائل را شکافته و وقایع را بازگو کرده
اند و البته که این آثار پر از لطائف ادبی است.
-------------------------------------
نام نوحه: وداع آخر امام حسین با حضرت زینب (س) اثر : مرحوم منزوی اردبیلی
ای خاندان-ی-عیصمته، زهرای ثانی زینبیم
آخر وداعیمدیر چاغێر، آل-ی-عبانی زینبیم
سلطانه دونیا تنگ اوْلار، انصار-وْ-یاوهردهن سوْرا
جان-وْ-جهانی نئیلیرهم، شئبه-ی-پیمبردهن سوْرا
من ایچمهرهم دونیا سۇیۇن، شهزاده اکبردهن سوْرا
لب تئشنه جان وئررهم تاپام آب-ی-بقانی زینبیم
دۆزدۆر چوْخ آغلار دهریده، بیکس باجێ قارداشێنا
امّا باجێ سن چوْخ اؤزون غرق ائیلهمه گؤز یاشێنا
الله ریضاسی سن فقط، ال چک رقیّهم باشێنا
ساخلا اؤزون نازیله اوْل نازلێ بالانێ زینبیم
چوْخ آغلایێب آغلاتما سن بۇ دیدهی-ی-خونباریمی
آخر وداعیمدهن اؤزون آگاه ائله قێزلارێمێ
یێغ باشێما باشسێز قالان اطفال-ی-گۆل روخساریمی
ائعلان ائله بۆلبۆللره فصل-ی-خزانی زینبیم
تئز-تئز یانێقلێ آهیلهن گؤینهتمه قلبیم یارهسین
قێزلارێ سسله ایندیدهن ائیله سوْیۇلماق چارهسین
بیربیر سوْیۇندۇر جامهسین، رأفتله آل گوشوارهسین
گئیدیر دوباره اگنینه کؤهنه قبانی زینبیم
باجێ یئتیر پئیغامیمی اؤز عترهتیمه جابهجا
اوْلسۇن اسیر اوْلماغلێغا، آماده آل-ی-مصطفیٰ
من کؤهنه کؤینهک گئیمیشهم سیزده گئیین کؤهنه قبا
قوْیماز بۇ لئشگهر، چادُر-ی-زرّین نیقابی زینبیم
بیرده آماندێر زینبیم باش یوْلما مقتلده منه
شامه گئدهنده باش آچێق لازیمدی اؤز زۆلفۆن سنه
تؤک زۆلفیوی روخساریوه قوْیما جمالون گؤرسهنه
چون مه یۆزۆن ائیلهر خجل شمس-ی-هُدانی زینبیم
سنسن پرستاری باجێ باشسێز قالان اولادیمێن
سنلهندی هر دردسری بۇ عترت-ی-ناشادیمین
شامێن یوْلۇندا جان سنین جان سیّد-ی-سجّادیمین
قوْیما اوْنا ایذا ائده، شئمر-وْ-سنانی زینبیم
دوشمن وۇراندا قێزلارێ قوْللارۇوۇ ائیله سپر
قوْیما اوْلارێ اینجیده، بۇ کوفیان-ی-بد سیَر
شئمرین الینده قمچیسی، گؤرسه رقیّهم غش ائدهر
بیر آه چکسه آغلادار، اهل-ی-سمانی زینبیم
حضرت زینب قارداشێنا جاواب وئریر:
سرعتله اوْلما عازم-ی-مئیدان حسینیم صبر ائله
جانیم گئدهن یوْللارۇوا، قۇربان حسینیم صبر ائله
قارداش بیلیرسن هئجریوه یوْخ قلب-ی-زینبده دؤزۆم
هئجران غمینده تاب ائدیم آیا نه نوعی من دؤزۆم
سن بیل آنام زهرا دایان گئتمه حسینیم وار سؤزۆم
ائتمه بۇ نوعی قلبیمی آلقان حسینیم صبر ائله
لطف ائیله یوْل اۆسته بیرآز وقتۇن یۇباندێر گئت حسین
هر نه سؤزۆن وار زینب-ی-مظلومه آندێر گئت حسین
گل بۇ بلالی زینبی باشه دوْلاندێر گئت حسین
قوْیما دالۇنجا گؤزلری گیریان حسینیم صبر ائله
سؤز یوْخ شماتت منصبی بیر رشتهی-ی-ارزندهدیر
مین نیسگیل امّا گئیدیگۇن بۇ کؤهنه پیراهندهدیر
سلطانه کؤهنه پیرهن، آیا نئجه زیبندهدیر
ائتدی بۇ نیسگیل قلبیمی سوزان حسینیم صبر ائله
یوْلما دئییرسن زۆلفیوی، سس چکمه گلمه شیوهنه
بس نئیلئیوم من بینوا، سن باری بیر فکر ائت منه
چون یئددی قارداشدان بۇ گۆن، گؤز تیکمیشهم من بیر سنه
سنسن اۇمیدی زینبین، الآن حسینیم صبر ائله
ای چشم-ی-حوره توتییا، خاک-ی-قدوم-ی-اطیبون
زهرایه خاطیر صبر ائله بیر لحظه ساخلا مرکبون
خنجر بوْغازۇن اؤپمهمیش قوْی گلسین اؤپسین زینبون
زهرا سؤزۆنده قالماسێن نُقصان حسینیم صبر ائله
تاپشێرمێسان اطفالیوه مهر-وْ-نوازش گؤرسهدیم
سسلیر هامێ بیردهن منی بیلمهم کیمه من سس وئریم
هانسێن آلێم آغۇشیمه، هانسێ بالانێ دیندیریم
بۇ ماجرایه قالمێشام حئیران حسینیم صبر ائله
وئر اذن اؤزۆم سردار اوْلۇم، بۇ جمع-ی-سرگردانه من
نظم-وْ-نظامیلهن چکیم، آلاللهی مئیدانه من
زۆلفۆم الیمده یالواریم، بۇ لئشگهر-ی-عُدوانه من
تا بلکه سندهن ال چکه عُدوان حسینیم صبر ائله
----------------------------------------
نام نوحه : وداع امام حسین (ع) با دخترش اثر : منزوی اردبیلی
سن آت اۆسته پای-ی-پییاده من
نــه قــدهر قـاچێـم دایـانێــم بـابـا
سنـی عمّهمیـن جانـی بیر دایان
بــاشــۇوا گلیــم دوْلانێــم بــابــا
بۇ یوْل اۆسته ایستیرهم اگلهشیب
سنه بیرجه درد-ی-دل ائیلییهم
اؤلۆم ایسته جانێمێ قۇرتارۇم
داخێ سنسیز عالمی نئیلییهم
دئمه گوشوارهمی آلمۇسان
اۆرهگیم سێنێبدی گیلئیلییهم
نه قدهر مصیبته تاب ائدبم
نه قدهر دؤزۆم دایانێم بابا
دایان ایندی قلب-ی-شریفیوی
بۇ یانێقلێ آهیله داغلا گئت
دؤشهنیم آیاغۇوا اؤلمهمیش
باشێم اۆسته اگلهشیب آغلا گئت
گئدیسهن دالونجا باخانمێرام
ائله گؤزلریمی ده باغلا گئت
گؤزۆ باغلێ دۇت الیمی اؤزۆن
باشۇوا دۇرۇب دوْلانێم بابا
باشێمێ اۇجاتمێشێدێ منیم
باباجان بۇ سایهی-ی-رحمتون
هامۇدان علاوه بۇ بیکسه
وارێدێ همیشه محبّتون
منه نسبت ایندی ندهن بئله
آزالێبدێ لطف-وْ-کرامتون
بۇ اَسفلی آیرێلێغێ مگر
نئجه ایندی سهل سانێم بابا
بۇ یوْل اۆسته من اوْتۇرۇم بابا
پوْزۇلان بۇ حالیوه آغلایێم
باشۇوا و یا دوْلانێم سنین
داغێلان جلالیوه آغلایێم
منی آل قۇجاغۇوا یۆز قوْیۇم
سارالان جمالیوه آغلایێم
اوْلا سینوْن اۆسته فدا سنه
یوْرۇلان ضعیفه جانیم بابا
وئر اجازه شئمره گئدیم دئییم
اۆرهگیزده کینهنی اؤلدۆرۆن
نه یانێن شرارهی-ی-دوزَخه
نه ولیّ ذوالمنی اؤلدۆرۆن
سنی گؤرسهدیم قوْشۇنا دئییم
بۇنۇ بوْشلایێن منی اؤلدۆرۆن
علیاصغریم کیمی اوْخلانام
سپهسن سمایه قانێم بابا
سؤزۆمۆ قبول ائله هیجر اوْدۇن
بابا خسته قلبیمه وۇرما سن
قوْی علیّ-ی-اصغریله یاتێم
منی آغلادێب بئله یوْرما سن
گؤتۆر ال دعا ائله قوْی اؤلۆم
منی اصغریمدهن آیێرما سن
دئمهسین هایاندا قالێب منیم
گئجه لایلای چالانێم بابا
بیلیسهن محبّت اسیرییم
آتاسێزلێغا دؤزه بیلمیرهم
منی سن سینوْندا بؤیۆتمۆسن
اتهیوندان ال اۆزه بیلمیرهم
سوْیۇنۇب بۇ شامێن اۇزاق یوْلۇن
من آیاق یالێن گزه بیلمیرهم
گۆلۆ خاره تاپشێرێسان نئجه
دایانێم بۇ اوْددا یانێم بابا
وداع امام حسین (ع)با دخترش
قێزێم ایستیرهم سیزی ترک ائدهم
سفر اۆسته آغلاما قوْی گئدیم
منی چوْخ یۇباتما گرهک گئدهم
سفر اۆسته آغلاما قوْی گئدیم
سنیلهن گرهک گئده شامه بۇ
گۆنۆ قاره خاطیری رنجهلر
اؤپهجک بۇ قوْللارێوێ هله
گره-ی-طناب-ی-شکنجهلر
یێخاجاق یزیدی دمشقیده
یئره ذلّتیله بۇ پنجهلر
اوْلاجاق عمارتی مُنهدم
سفر اۆسته آغلاما قوْی گئدیم
منی ساقی-ی-ازل ائیلهییب
بئله مست-ی-بزم-ی-الست-ی-حق
بوْغازێم قانێلا مرمّته
یئتیشه گرهکدی شکست-ی-حق
سنی قوْرخما وۇرسا بۇ کوفییان
آلار انتقامیوی دست-ی-حق
آرادا خدا اؤزۆدۆر حَکَم
سفر اۆسته آغلاما قوْی گئدیم
آلاسان نتیجه قێزێم گرهک
سن اؤزۆن بۇ قانلێ قییامیدهن
سالاسان بنای-ی-حکومت-ی
اُمَوینی نظم-وْ-نظامیدهن
بۇ بلالی باشێمێ سن گرهک
آلاسان حکومت-ی-شامیدهن
اؤپهسن دوْداغێمێ دمبدم
سفر اۆسته آغلاما قوْی گئدیم
هله گئت گؤرۆم قۇرۇسان نئجه
منه بزم-ی-تعزیه شامیده
سنی دیندیرهن گرهک آغلایێب
یانا وای حسین دییه شامیده
ائده لعنت آل-ی-اُمییه
علنی قرا گییه شامیده
وۇرالار هر ائوده قارا علم
سفر اۆسته آغلاما قوْی گئدیم
منی چوْخ یۇباتما گئت عمّهوه
بیلیسهن کی خسته مسافرم
نه اؤزۆم سۇ ایچمهگه طالبم
نه ده زنده قالماغا قادرم
ولی سۇ تاپێلسا اگر قێزێم
گینه من گتیرمهگه حاضرم
ائدهرم سۇ فکرینی هر قدهم
سفر اۆسته آغلاما قوْی گئدیم
اوْ قێزێن سوْلان یۆزۆنه باخێب
یۆزه سئیل-ی-اشگینی باغلادێ
دیزی اۆسته باشینه ال چکیب
آنا آغلادێ بالا آغلادێ
بالانێن سیلیب گؤزۆنۆن یاشێن
یۆزۆن اؤپدۆ بیرده قۇجاخلادێ
دئدی صبر ائله قێزێم ائتمه غم
سفر اۆسته آغلاما قوْی گئدیم
--------------------------------------
نام نوحه : عشق قماری درباره امام حسین(ع) اثر : مرحوم منزوی اردبیلی
کیم دیلده حسین آدین ایدوب اَزبَر آپاردی
قبره الی بوش گیتمدی بیر گوهر آپاردی
تپراقدا خیانت ایلمز عشق حسینه
قبر ایچره بولر گوهر جان پرور آپاردی
چوخ گورمشوخ عالمده ئولن وقته حسینچی
قبره نه جلالیله اونی اِللّر آپاردی
گیت مجلس ترحیمینه باخ جاه و جلاله
گور عشقیدی یا مسئله دیگر آپاردی
بو عشق قمارینده بلی هیچ کیم اوتوزماز
اوّل اوتوزندا گوروسن آخر آپاردی
هر کیم کی جوان عمرینی بو یولدا اوتوزدی
آخر بله گوردوک آقادان نوکر آپاردی
هر کیم کی بو درگهده قوجالدوقجا اوجالدی
باشی آغاران رتبهی والاتر آپاردی
چوخ آغ گونه چخدی قره تپراقلارون آلتدا
هر کس قره دسمالیلن اشک تر، آپاردی
فکر ایلمهسن آغلادون اشگون هدر اولدی
زر قدرینی از بس تانیدی زرگر آپاردی
سن گورموسن امّا دولانور شیشهسی الده
گوز یاشلارینی فاطمهی اطهر آپاردی
خولینون عیالینه خانم گورنه بیوردی
بو اشگون امانتدی امانت گر آپاردی
چون اوغلوما سن آغلادون الان ئوز ایونده
بو خاطرهنی فاطمه تا محشر آپاردی
-----------------------------------------------------------
نام نوحه : جواب دادن امام حسین (ع) به دخترش سکینه(س) اثر : منزوی اردبیلی
گئتدی عمون سکینه جان، قانه بوْیاندێ گلمهدی
وئردیگی اؤز سۇ قولونا، سندهن اۇتاندێ گلمهدی
زرمده گؤردۆ نظملهن لئشگهر-ی-کفری صف به صف
شطّه گئدیبدی شیر تک، وارث-ی-شحنهی-ی-نجف
نهر فراتی اوّلین حمله ده ائیلهدی هدف
سۇ اله گلدی ایچمهگه نفسی دایاندێ گلمهدی
چێخدێ قۇرۇ دوْداغیلهن بیر سۇلۇ مشگیلهن سۇدان
مکریله کسدی ساق سوْلۇن یاتدێ کمینده کوفیان
چێخماغا نخلزاریدهن دوشمنی وئرمهدی امان
گئتدی سۇ اۆسته اللری، صبری تالاندێ گلمهدی
گؤزدهن علاوه ساخلادێ، مشگین اوْ شیر-ی-جانسپر
چوْخ چالێشێردێ مشگینه سینهسین ائیلییه سپر
حئیف اوْلا قانا دؤندهریب اشگینی ناوک-ی-سهپر
حالینه گؤردۆ مشگینین اشگی رواندی گلمهدی
ایندی گؤزۆمده عؤمرومون بیردی گئجهیله گۆندۆزۆ
بۇپارا مشگیدهن بۆتۆن کشف اوْلۇ مطلبین دۆزۆ
مشگیده اوْلمادێ سۇیۇ گلمهگه گلمهدی یۆزۆ
بوْش الیلهن قَییتمهیی گؤردۆ گیراندی گلمهدی
بیر نفرین الینده کی جنگیده اوْلمادێ کسهر
هر قدهمینده اوْن نفر آتلێ قاباغێنێ کسهر
گؤرمهسه ال حریفده، قانلێلار ال چکهر مگر
کسدیله چون قاباغێنێ، رأیی دوْلاندێ گلمهدی
تن به تن اوْلدۇ روبرو هر کس اوْ پهلوانیلهن
قوْرخمادێ تیریلهن وۇران، وۇردۇ داخێ کمانیلهن
صدمه یئتیبدی باشێنا، گؤزلری دوْلدۇ قانیلهن
گؤز دۇتۇلۇب گؤرهنمهدی، خئیمه هایاندێ گلمهدی
گۆلشن-ی-آرزوده بیر گۆل بیتیرهنمهدیم قێزێم
قالدێ الیم بئلیمده من ال یتیرهنمهدیم قێزێم
بسکی بئلیم شکستیدی تک گتیرهنمهدیم قێزێم
نیکیمی چوْخ سێزێلدادێم قلبیده یاندێ گلمهدی
سرویدی من دئدیم دۆشۆب خول تۆکۆلۆب خول اۆستۆنه
قوْللارێ پیشوازیمه دۆشمۆشدۆ یوْل اۆستۆنه
قوْیدۇ سۇ اشتیاقینه بیر گؤز ایکی قوْل اۆستۆنه
سۇ گینه راضی اوْلمادێ آخدێ جالاندێ گلمهدی
عمّهوه وئر خبر قێزێم نوحه ائدین عزا قۇرۇن
دیلده سۇ آرزوسینه یکسره پُشت-ی-پا وۇرۇن
اؤلدۆ وفالی قارداشێم خئیمهسینی یێغێشدێرون
شهپری شاهبازیمین چوْخ یارلاندێ گلمهدی
قالدێ ستمله یا حسین «منزوی» چوْخ فشاریده
مرجعی یوْخ عدالتون بیر بئله روزگاریده
قلبی یارالێ شیعهلر قالدێلار انتظاریده
قان آلان اوْغلۇوۇن مگر وقتی هاچاندی گلمهدی؟
نام نوحه درباره حضرت ابوالفضل اثر مرحوم : استاد رحیم منزوی اردبیلی
گؤز تیکیبدیر سنه قارداش، دم-ی-خنجر ده باشێـم
تئــز یئتیــش دادیمـه قــوْیما، قالا اللـــهرده باشێم
منـه مـیـن یـاره دَگــه، ائتمـــهرهم البتـه گـیـلـه
قوْلسۇز اوْلسامدا چتین دوشمنه باشێم اگیلـه
قلبیمیـن نذریـدی بـۇ بـاش قـابـاغـۇنـدا کسیلـه
گـل ائـده حاجـت-ی-قلبیمـی، بـرآورده بـاشێـم
گر گۆلۆن شاخهسی صدمه گؤره، خوْش رنگی سوْلا
نــه قـدهر دۆز دۇتــاســان، گـۆل آخێنـار ساغـا سـوْلا
منـه ده صـدمـه یئتیـب، سیّــدی! باشـۇن سـاغ اوْلا
قالمۇرێ شاخێ سێنان گۆل کیمی پئیکهرده باشێم
دئمیرهم قارداشۇوام، عرصه ده سرلئشگهرۇوام
یا الیمده عَلمیم واردێ عَلم پرورووام
منده گر سلطنت-ی-عالم اوْلا نوکرووام
خاکبوس اولمایێب اوْلماز در-ی-دیگر ده باشێم
سن بیلیر سن، سنه قارداش دئمهدیم اؤز باشێما
امر-ی-زهرادی کی زحمت وئریرهم قارداشێما
گل آیاقوندان اؤپۆم قوْی الون السیز باشێما
اوْلا تا آخر-ی-عمرینده نظرکرده باشێم
تاپدێم اوْل گۆنکۆ ولادت من ایا شاه-ی-زمن
اؤز قۇجاغوندا گؤز آچدێم، گۆل-ی-رخساریوه من
نوْلا ایندی یۇمۇلان وقته گؤزۆم سن گلهسن
عرشه ناز ائیلهر اوْل دامن-ی-اطهر ده باشێم
گل خجل ائیلهدی دونیا سویو، سرلئشگهرووی
سربلند ائیله سرافکنده اوْلان نوکرووی
جان دوْداغێمدادێ، پیشواز ائیلیر لبلهرووی
ایستیر عمرین وئره باشه، لب-ی-کوثر ده باشێم
من هُمای شرفم، حئیف سێنێب بال-وْ-پریم
نه الیم وار نه عمودیم، نه بیر آیرێ کَسهریم
کاسهی-ی-سر، کُلَه-ی-جنگیدی، سینهم سیپریم
ایستیرهم دهریده سرمشق اوْلا هر فرده باشێم
گر چه ذیبح اوْلماغا باشێم قاباغۇندا تلهسَر
خنجر-ی-قاتل اسهنده اوْدا شوقیندهن اَسهر
وار نه جلّادیده جرأت، نه ده خنجر ده کسهر
باخما السیزدی چتین ال وئره نامرده باشێم
راضییهم قاتل-ی-بیرحم ائله سنگین دل اوْلا
پردهلی بیر طبق ایچره باشێما حامل اوْلا
قالا بیر حاله باشێم، قان گؤزۆمه حایل اوْلا
گؤرمییه زینبی اغیار آرا بیپرده باشێم
قۇرۇلان وقته حسین! محکمهی-ی-عدل-وْ-جزا
هر شهید اؤز باشێ الده گلهجک حشره اخا
بیر شهید السیز اگر اوْلسا، ندیر چاره شها
من نه نوعی اله آللام صف-ی-محشرده باشێم
ای ابوالفضل لیباسین دئییشیب آل-ی-یزید
جمع ائدیب سفرهی-ی-احسانیله باشێنه مُرید
«منزوی» حقّ دانێشاندا ائلهییر حمله شدید
گوی چوگان تعدّی، اوْلۇب اللــهرده باشێم
---------------------------------------------
نام نوحه : دیل یارهسی (در باره حضرت ابوالفضل (ع) و امام حسین (ع) اثر : مرحوم منزوی اردبیلی
آز قالدی کی دعواده یتسون خطر عباسه
قان گوزلرینی دوتموش وئرمور خبر عباسه
قوللار قلم اولموشدی قان گوزلره دولموشدی
آغلاردی مدارینده شمس و قمر عباسه
صاق گئتدی کسر گئتدی صول گئتدی سپر گئتدی
باش کاسهسی اولموشدی تنها سپر عباسه
دورت سمتدن اوخ دگدی بیر آخ دئمدی والله
دیل یارهلری اولدی اوخدان بتر عباسه
کسدی قباقین ناگه بیر غول قوی پیکر
بیر آهن عمود آلتدا سالدی نظر عباسه
سسلندی، علی اوغلی نه گلدی او قوللاره
بو سوز یارالاردان چوخ، ائتدی اثر عباسه
ناگه او عمود آهن گزدی باشی اوستونده
جان جان دئدی زهراده والا گهر عباسه
زین اوسته ابوالفضلی بیر صاق صولا ترپتدی
لایلای چالینور گویا شوریده سر عباسه
بو واقعه واللّهی زهرایه گران گلدی
یر گوی هامی قان آغلار دشمن گولر عباسه
---------------------------------------
نام نوحه : درد دل حضرت رباب (س) با حضرت علی اصغر (ع) اثر : مرحوم منزوی اردبیلی
ای غۆنچه دهن لایلای، پئکانی امهن لایلای
قبری ننـهدهن گیـزلیـن، قوْنداغـێ کفن لایلای
لایلای گؤزهلیم لایلای، شیرین غزهلیم لایلای
یاز گۆنلری گۆل وقتی، سوْلمۇش خزهلیم لایلای
آخر گئجه سینهمده بیر حالدا سارلمێشدۇن
چون شمع-ی-شبستانی یاندۇقجا آزالمێشدۇن
بیلدیم سَحَره خاطیر، جبرا" دیری قالمێشدۇن
بیلمهزدی ندیر دردون سؤیلهردی گؤرهن لایلای
آشفته هواسیله، فکریم کیمی مختلّم
هر آن اؤزۆمۆ تاپسام بیلسهم یئریوی گللهم
بیر آز سۆد امیب، یاتسوْن منده بالا دینجهللـهم
خوْشدۇر دوْیا دلبندون اوْندان دییهسن لایلای
نسبت آنا عئشقینده بیر ذرّه مجاز اوْلماز
قانلێ دوْداغۇن اؤپسهم جان نقدینه آز اوْلماز
کیم بیلمیرهم اؤرگهتدی، سنده بئله ناز اوْلماز
آغلا سسیوه قۇربان چاللام تزهدهن لایلای
ششماههمیله بئش آی گزدیم نئجه داغ داشدا
ال گاه دعادئیدی، گه سینهده گه باشدا
اللیک قوْچ اوْلار قۇربان، هئچ اوْلماسا بیر یاشدا
نوحه های فارسی:
نام نوحه : شهادت امام حسین (ع) اثر : استاد شهریار
شیعیان دیگر هوای کربلا دارد حسین
روی دل با کاروان کربلا دارد حسین
از حریم کعبه جدش به اشکی شست چشم
مروه پشت سر نهاد اما صفا دارد حسین
بس که محمل ها رود منزل به منزل با شتاب
کس نمی داند عروسی یا عزا دارد حسین
رخت دیبای حرم چون گل به تاراجش برن
تا به جایی که کفن از بوریا دارد حسین
بردن اهل حرم دستور بود و سر غی
ورنه این بی حرمتی ها کی روا دارد حسین
سروران پروانگان شمع رخسارش ولی
چون سحر روشن که سر از تن جدا دارد حسین
سر به قاچ زین نهاده راه پیمای عراق
می نماید خود که عهدی با خدا دارد حسین
او وفای عهد را با سر کند سودا ولی
خون به دل از کوفیان بی وفا دارد حسین
دشمنانش بی امان و دوستانش بی وفا
با کدامین سر کند مشکل دوتا دارد حسین
سیرت آل علی(ع) با سرنوشت کربلاست
هر زمان از ما یکی صورت نما دارد حسین
آب خود با دشمنان تشنه قسمت می کند
عزت و آزادگی بین تا کجا دارد حسین
دشمنش هم آب می بندد به روی اهل بیت
داوری بین با چه قوم بی حیا دارد حسین
ساز عشق است و به دل هر زخم پیکان زخمه ا
گوش کن عالم پر از شور و نوا دارد حسین
دست آخر کز همه بیگانه شد دیدم هنوز
با دم خنجر نگاهی آشنا دارد حسین
شمر گوید: گوش کردم تا چه خواهد از خدای
جای نفرین هم به لب دیدم دعا دارد حسین
اشک خونین گو بیا بنشین به چشم «شهریار»
کاندر این گوشه عزایی بی ریا دارد حسین
-----------------------------------------------
نام نوحه : در باره رباب و علی اصغر اثر : استاد شهریار
گشودی چشم ، در چشم من و رفتی بخواب اصغر
خداحافظ – خداحافظ – بخواب اصغر بخواب اصغر
بدست خود به قاتل دادمت – هستم خجل
اما ز تاب تشنگی آسودهای از التهاب اصغر
بشب تا مادرت گیرد ببر- قنداقه خالیت
بگریند اختران شبها به لالای رباب اصغر
کبوتر گو – به نسوان مدینه با پسر خونین
خبر کن آنچه بو بردند – از وای غراب اصغر
تو با رنگ پریده غرق خون – دنیا بمن تاریک
کجا دیدی شب آمیزد- شفق با ماهتاب اصغر
برو سیراب شو – از جام جدت ساقی کوثر
که دنیا و سرآبش ندیدی جز سراب اصغر
گلوی تشنة بشکافته – بنمای با زهرا
بگو کر – زهر پیکانها بما دادند آب اصغر
الا – ای غنچة نشکفته پژمرده – بهارت کو؟
چه در رفتن بتاراج خزان کردی شتاب اصغر
خراب از قتل ما شد – خانة دین مسلمانان
که بعد از خانة دین هم – جهان بادا خراب اصغر
عمو سقای عاشورا – خجالت دارد از رویت
که بی دست از سرزین شد- نگون پادر- رکاب اصغر
بچشم شیعیانت اشگ حسرت یادگار تست
بلی در شیشه ماند- یادگار- ازگل، گلاب اصغر
الا- ای لاله خونین- چه داغی آتشین داری
جگرها میکنی – تا دامن محشر کباب اصغر
توآن ذبح عظیمستی که قرآن شد- بدو – ناطق
الا ای طلعت- تأویل آیات کتاب اصغر
خدا چون پرسد – از حق رسول و آل- در محشر
نمیدانم چه خواهد داد؟ این امت جواب اصغر
زیارت خواهد و فیض شفاعت شهریار از تو
دعای شیعیان کن- از شفاعت مستجاب اصغر
-----------------------------------------------
نوحه های ترکی آذری:
نام نوحه : درباره خانیم زینب عزاسی اثر: استاد شهریار
محرم دیر ، خانیم زینب عزاسی
بیزی سسلر حسینین کربلاسی
یولی باغلی قالیب دشمن الینده
داها زوارینین یوق سس- صداسی
( بوگون کرب بلا ویران اولوب دیر )
(حسین أوز قانینا غلطان اولوب دیر )
چاغیر شاه نجف گلسین هرایه
جهادیله آچاق یول کربلایه
علی نین ذوالفقاری داده چاتسین
حسین قربانلاری گلسین منایه
( بوگون کرب بلا ویران اولوب دیر )
(حسین أوز قانینا غلطان اولوب دیر )
جهاد میدانی دیر، ملت دایانسین
مسلمان خواب غفلتدن اویانسین
اوجالسین نعره الله اکبر
گرک کافر جهنم ایچره یانسین
( بوگون کرب بلا ویران اولوب دیر )
(حسین أوز قانینا غلطان اولوب دیر )
گلیب غیرت گونی ، همت زمانی
اوجالداق باشدا آذربایجانی
گئده ک صدام کافرله جهاده
ییخاق بو بی مروت ائو ییخانی
( بوگون کرب بلا ویران اولوب دیر )
(حسین أوز قانینا غلطان اولوب دیر )
حسین زواری نین قورتاردی صبری
قیراق بو قوردلاری ، کافتاری ، بیری
آچاق یول کربلایه ، کاظمینه
چکک آغوشه او شش گوشه قبری
( بوگون کرب بلا ویران اولوب دیر )
(حسین أوز قانینا غلطان اولوب دیر )
گرک دین اولماسا ، دونیانی آتماق
شرف ،عزتلی بیر دونیا یاراتماق
سعادت دیر حسین قربانلاری تک
شهادتله لقاء اللهه چاتماق
( بوگون کرب بلا ویران اولوب دیر )
(حسین أوز قانینا غلطان اولوب دیر )
مسلمان صف چکیب دعوایه گلسین
چاغیر عباسی تاسوعایه گلسین
قیزی زینب أوزی صاحب عزادیر
چاغیر زهرانی عاشورایه گلسین
( بوگون کرب بلا ویران اولوب دیر )
(حسین أوز قانینا غلطان اولوب دیر )
آنا ! اوغلون شهید اولدی مبارک
شهادتله سعید اولدی ، مبارک
امید جنتین تاپدین ، دا سندن
جهنم ناامید اولدی ، مبارک
( بئله طوی کیم گؤروب دنیاده قاسم )
( طویی یاسه دؤنن شهزاده قاسم )
آنا ! اوغلون علی اکبر فداسی
طویی قاسم کیمی اولموش عزاسی
دوروب جنت قاپوسیندا گؤزتلیر
که گلسینلر آناسی له ، آتاسی
( بئله طوی کیم گؤروب دنیاده قاسم )
( طویی یاسه دؤنن شهزاده قاسم )
-------------------------------------------
نام نوحه :درباره حسینه یئرلرآعلار گویلر آغلار اثر :استاد شهریار
حسینه یئرله ر آغلار گؤیله ر آغلار
حسینه یئرله ر آغلار گؤیله ر آغلار
بتول و مصطفی پیغمبر آغلار
حسینون نوحه سین دلریش یازاندا
موسلمان سهلدیر که کافر آغلار
کور اولموش گؤزله رین قان دوتدو شومرون
کی گؤرسون اؤز الینده خنجر آغلار
حسینون کؤینه گی زهرا الینده
چکر قئیحا قیامت ، محشر آغلار
آتاندا حرمله ، اوخ کربلاده
گؤرئیدین دوشمن آغلار ، لشگر آغلار
قوجاغیندا ، گؤرئیدین ام لیلا
آلیب نعش علی اکبر آغلار
رباب ، نیسگیل دؤشونده سود گؤره نده
علی اصغری یاد ائیله ر آغلار
باشیندا کاکل اکبر هواسی
یئل آغلار ، سنبل آغلار ، عنبر آغلار
یازاندا آل طاها نوحه سین من
قلم گؤردوم سیزیلدار ، دفتر آغلار
علی ، شق القمر ، محراب تیلیت قان
قولاق وئر ، مسجید اوخشار منبر آغلار
علیده ن شهریار ، سن بیر اشاره
قوجاقلار قبری ، مالک اشتر آغلار
-----------------------------------------
نام شعر : یارب اثر :استاد شهریار
یا رب منه بو لحظه دى بیر عمر ایله یارى
عشقونده سنون جان ویرورم هر ندن عارى
قان قان ویئن او خلا یا غورى الّى هوادتن
اوز اوند روب او خلار منه فنده سنه یارى
قربانوى سلما نظر مر حقوننن
جان اوسته وارام نعمتوون شکر گذارى
گرجام بلاده گنه وار باده خدایا
گوندر من عطشانه خمار قویما خمارى
دنیا سو اولا من سوسوزى سالماز عطشدن
قور تارسا عطشدن منى وصلوندى قوتارى
وردیم سنون عشقونده منه گلدى گمانم
بیر باشعرى قالان عاشقون دار و ندارى
بو باشد اسنو نکیدى که سندیدى امانت
ردّ ایلورم ایندى سنه آن قوجا یوخارى
دشمن دیدى قول بیعته قوى من دیدیم اولماز
عشقم دیدى قان قان چا غیرسان دیدیم آرى
تهیدید ایلینگر منى مرگه نه بو لوگر
مرد آننى قانیله یوار اولساغبارى
زهرا چراغى مین بیله طوفانیله سونمز
حشره کیمى وار مشعلمون نورى ، شرارى
من ایستسویورم غرتنى دوشمینمونده
نینیم گورورسن دشمنون یوخدى چخارى
آخر نفسمدور گل آچوب گلشن جسمم
قان اویچره غمیم یوخ اورزوم اولسا سنه سارى
روحیم قوشى چوخداوندیکه قالمو شدى قفسده
بیراوخ تو خونوپ قلمبیمه سندردى حصارى
اوخ قلبمى داغون ایلیوپ توکدى داغتدى
وردى جالادى ، قانى یره ، قیردى دامارى
زهرا باغنون عنچه لرى گلگرى سولدى
تک بیر گونون عرضینده خزان اولدى بهارى
شاعر: مرحوم انور اردبیلی
نام نوحه :احوالات شب عاشورا اثر: انور اردبیلی
بو گئجه بیعت پوزولدی آشنالر گئتدیلر
قویدولار پیغمبر اوغلون بیوفالر گئتدیلر
منبر اوستونده حسین بن علی صاحب وقار
شوریلـه منشـور عـاشورانی ائتـدی آشکار
روشن اولدی صبح آچیلسا قتل وار کشتاروار
عشـق دنیـای فنایـه مبتـلالر گئتـدیلر
شبپـره مثلـی تمتـع گوردیلر ظلماتیدن
خیر محضی نفی ائدوب الچکدیلر اثباتدن
کعبـه آمــالیده آیریلدیـلار میقــاتدن
گیمهمیش احرامنی حاجی نمالر گئتدیلر
بولدیلر یوخدور حسینه یوم عاشورا ظفر
بوی مرگی درک ائدوب سسلندیلر این المفر
مین نفر حضاردن قالدی فقط یئتمیش نفر
قالـب غیرتلـری بـیمحتوالـر گئتـدیلر
نقل ائدور شخصاً سکینه شاه دینون دختری
قیلدی فرمایش بابام سوندوردیلر مشعللری
آز زماندا خالـی اولدی خیمهلر دور و بری
بشبش اوناون اهل تزویر و ریالر گئتدیلر
صبح آچیلدی الغرض وئردی قالانلار امتحان
کهنه عاشقلر تاپوبلار عشق حقدن تازه جان
لبلـری گل مثلی خندان و ئورهکلر شادمان
کوی جانانـه سلیــمالمدعالـر گئتدیلر
نه مهاجردن قالوب بیر کیمسه نه انصاردن
بیربهبیـر دلبرلـر آیریلدی گوزهل دلداردن
عشق و سرمستی گئچوب اندازهدن معیاردن
کیمیاگر قالدی حیران، کیمیالر گئتدیلر
آلدی رخصت ائتدی اکبر فی سبیلالله جهاد
یارهلندی زینـدن دوشدی یئره اول پاکزاد
قرمزی ژاله ایلـه آغگل ائتدی گویا اتحاد
حالـدن یکسر مقیمـان سمالر گئتدیلر
فی المثل خاک بلایه پارهلنمیش آی دوشوب
عالم غیب و شهوده قورخلی بیر های دوشوب
گوش جناتـه صدای ناله و ایوای دوشوب
بارگاه قـدس اعلایه صـدالر گئتدیلر
جـان بلب مظلـوم امامـه ایلدی اکبر سلام
اوغلونون آلدی سلامین سسلنوب گلدیم بالام
خیمهدن چیخدی حسین ائتدی جوانلار ازدحام
قتلگاهـه سـاری اهل ابتـلالر گئتدیلر
چاتـدی میدانـه حسیـن دیلده علیاکبر آدی
جان دئدی، اوغلوم سنی هانسی قلجدی دوغرادی
نـوح تک عمر ایلسم اولمازمنه سنسیز دادی
گوزلریمده ییر وقتیمده ضیالر گئتدیلر
باشـون اوستـه یـاوران طیب انفاسیم گلور
گوزلرینـده گوزیاشـی دیداره عباسیم گلور
یولداشون هم مسلکون هم صحبتون قاسم گلور
گل دیلـه یارا و طاقتدن فتالر گئتدیلر
چوخدی سؤز کئچدوم مفصلدن بو یئرده مجمله
اوغلونون اعضاسینی گوردی حسین گلمز اله
حملینی مشکل بولـوب سالدی عباسین مقتله
وئردی بیر فرمان گؤیه یئردن نوالر گئتدیلر
ای جوانلار حمل ائدون قارداشوزی میدانیدن
دردمندم چارهسیز ال اوزمـوشم درمانیدن
گوز تیکن چوخدور یولا نسواندن طفلانیدن
خیمهلرده اوزلریندن بینوالر گئتدیلر
حامل اولدی آل هاشم پرپر اولموش لالیه
باغبانون اشکی گل هجرینده دوندی ژالیه
تلــدن اندیردیلــر گلـدی حرملـر نـالیه
قاره باشدا یاسینه بختی قرالر گئتدیلر
آچدیلار قانلی عبانی سس دوشوب داغداشلارا
باخدیلا الوان اولان مژگانلارا گوز قاشلارا
گوردیلر باشدا یاراسین گئتدی اللر باشلارا
تاب و طاقتدن بالالار هم آنالار گئتدیلر
----------------------------------------
شاعر: انور اردبیلی
نام نوحه : زبانحال حضرت زینب در وداع امام حسین اثر: انور اردبیلی
سن حسین کفن گیوبسن حرمون نوایه گلسون
خبـر ائـت آنـام بتــوله اؤزی کربلایه گلسون
توخییوب او کؤینگیکه اؤزی بوقچادان گتورسون
الینــه آلـوب امـانت کفنـی سنه یئتورسون
اؤزی تشنهلب منایه سنی خیمهدن اؤتورسون
صـورا وئرمگـه تسلـی مـن بینوایـه گلسون
سنـه بـزم غـم مهیـا گرهک ایلیم بو ساعت
من ائدم دعا سوسوزلار ائده آمینیله خدمت
ایله بزم غمده خوشدور ایلسون آنامدا شرکت
باش آچوب الینده معجر سنیچون دعایه گلسون
کومکه وار احتیاجیم بو منیم بلا گونومدی
سنون آیریلیق گونوندور نیلیوم قرا گونومدور
بولــورم قیـامتیمدور غمه مبتلا گونومدور
دئه گوروم کیمی قالوبدور باجوون هرایه گلسون
بـو وداع آخـرین دور بولورم حسین سوزوندن
دوشوب عترت و حریمون بالا قیزلارون گؤزوندن
اؤلوب اکبرون اودورکی بیله دویموسـان اؤزوندن
ئورهگونده نه غمونوار من مبتلایه گلسون
ستمیله ای بو چولده پوزولان جلالی قارداش
گؤزی یاشلی قاره گونلی قالان اهل عیالی قارداش
نئلهسون قیـزون رقیه او حرم غزالی قارداش
سنه اورگشوب دالونجا نقدر نوایه گلسون
دوشرم دالونجه قارداش دئمه ردوی ایتورم
بـو سوسوز بالالاریـلا گؤیه نالمی یئتورم
گله بولمه سه علیلون کومک ایلیوب گتورم
اودا تا دالونجا تکیه ایلیوب عصایه گلسون
دئمـورم بـو آیریلیقـدا مـن دلکبابـی دیندیر
گوزی یاشلی قاره معجر حرمون ربابی دیندیر
بالاسی اؤلوبدی چوخدی بولوسن صوابی دیندیر
کیم اونی سالوب بلایه اؤزی مین بلایه گلسون
سنون عشقویله غنچه گلینی وئروب بوداقدان
بالا غصهسی آنانی نجه گور سالوب ایاقدان
گلـه بیلمیـور قباقه دایانوب باخور اوزاقدان
اوتانور منیم یانیمدا اودا التجایه گلسون
---------------------------
انور اردبیلی
نام نوحه : در باره علی اکبر اثر: انور اردبیلی
ای حسینین دوْغرانان قۇربانێ، اکبر آچ گؤزۆن
سالمـا گـؤزدهن بینـوا لیـلانـی، اکبـر آچ گؤزۆن
عؤمرۆم اوْلسا هر قدهر من آغلارام صبح-وْ-مساء
لیلینی بیر درده سالدۇن ای شبیه-ی-مصطفیٰ
درد-ی-جسمانی دگیل تاپسێن طبابَتلهن شفا
بیر طبیب ایستهر اوْلا روحانی، اکبر آچ گؤزۆن
ای نــژاد-ی-هــاشمیـده نــورس-وْ-رعنــا قــَدیـم
ائیله فکر ائتمه کی گلدۇن، خئیمییه من بیلمهدیم
گلمهگۆن بیلدیم ولی عذریم وارێدێ گلمهدیم
عفو ائله بۇ خانیمان ویرانی، اکبر آچ گؤزۆن
پاییـن-ی-پایـونـده اگلــهشـدیم مـن ای نورستـه گـۆل
چون حیا مانعدی باشۇن اۆسته گئچسهم خوْش دگیل
لاعلاجم سؤیلـه لیـلا باشینه تؤکسۆن نـه کـۆل
گؤرمهرهم اوْل صورت-ی-تابانی، اکبر آچ گؤزۆن
آتش-ی-قلبیمه وۇرمۇش داغ-ی-هئجرانون اتک{؟}
یاندێ قلبیم بۇ یانار اوْددان منی بیر یانه چک
توْی ائدیبسهن، خلعتیم بس هانێ، اکبر آچ گؤزۆن
حقّی واردۇر لیلینین گؤزدهن تؤکه خون-ی-جیگر
من سنی مئیدانه بۇ نوعی یوْلا سالدێم مگر
باشۇن اۆسته آچماسئیدی باشێنێ عمّهوْن اگر
زۆلفیمله پاک ائدهردیم قانێ اکبر آچ گؤزۆن
بیـر کنیــزهم بــاوفـــا اکبـــر قبـــول ائتسـوْن منــی
سن بیلیرسن کی نه قدری ایستئییر قلبیم سنی
قلبیمین بـاشینـه ضـم ائتـدیم بـۇ قانلێ چکمهنی
تاکـی شـدّت ائتمــهسیـن جریانـی اکبر آچ گؤزۆن
قانلێ گؤزیاشێم سارالمێش روییمی وئرمیش سئله
قلبیمی سێندێرما ائتمه نااۇمود اوْغلۇم بئله
خواهیشیم واردۇر عبانی گۆل یۆزۆندهن ردّ ائله
بیر منه گؤستهر رُخ-ی-زیبانی اکبر آچ گؤزۆن
ای جمال-ی-عالـم آراسـێ اوْلان شمــع-ی-ارم
یارهوه قان پرده چکمیش قوْیمئیۇر حدّین بیلـه
بیـر عبــادور رؤیتـا" قێـرمێـز وجـودون گؤرمهرهم
گیزلهدیبدیـر دوْغـرانان اعضـانـی اکبر آچ گؤزۆن
برگ تک قلبیم اسیر، هئجرونده اوْلمۇش قان اوْغۇل
گۆل یۆزۆن گؤستهر آنوْندان ائیلهمه پئنهان اوْغۇل
گلسه شهزاده سفردهن ذبح اوْلار قۇربان اوْغۇل
ائیله قۇربان جانیوه بۇ جانی، اکبر آچ گؤزۆن
ثبت ائدهر «انور» سنین درد-وْ-ملالون دفتر
توشه تا اخذ ائیلهسین دار-ی-فنادهن محشره
زایر اوْلسۇن ایستهر بیرده مزار-ی-انوره
اوْردادۇر چون دردینین درمانی، اکبر آچ گؤزۆن
حاج حسین غفاری اردبیلی متخلص به ( غفاری )
نام نوحه: زبانحال امام در شهادت حضرت علیاصغر اثر:حاج حسین غفاری اردبیلی
زینبیـم گـل بـالام قانه باتدی امدی پیکانی گؤز یومدی یاتدی
گئــت دئنـن بختی قاره ربابه اصغریم سینـوین داشین آتدی
مـن دئدیم سووئرللر ایچر سو ایلیـر قمــری لر مثلی «کوکو»
بولمدیم بعضی اوچی سوورمیش اوخلانــا سـو کنارینده آهو
آل بـو قنـداقی منـدن آماندی غصهدن قلبیمین باشـی یاندی
بولمـرم اوخ نجـه دگـدی زینب کئچدی اوخ ساق قولوم پارچالاندی
حرمله قویدی بیر اوخ کمانه اصغرین دوتدی حلقین نشانه
تشنـه قربانیمـه دگجین اوخ قنداقـی دوشلوگی باتدی قانه
گوئیــا هئچ یارالی دگـولدی گل کیمی باخدی پیکانه گولدی
گئت ربابهدئه باشون ساق اولسون وئردیگون غنچه بیر دسته گولدی
اصغریمه او پیکان چوخ ایدی پهلوانی ییخان بیر اوخ ایدی
آرزیمین گوللری اولدی پـرپر گوئیا اصغریم هئچ یوخویدی
تیتـرهدی اوخ دگنــده ایاقـی تیتـرهدیم منـده اصغر سیاقی
بوسه آلدیم بوغازیندن افسوس بوسه سیز قالدی سولمیش دوداقی
اوخشیور گوزلریم ابره اوغلوم التمـاس ایلورم صبره اوغلوم
چوخ چتیندی آتا اؤز بالاسین اؤز الیلـن قویـا قبـره اوغلوم
قارداشیم اولمه سیدی گلردی اود دوتان قلبیمه سـو سپردی
من قویاندا سنی قبره اوغلوم قبروین اوسته توپراق تؤکردی
یات دئدی ای گـل پرپر اوغلوم گئت سنی فاطمـه گوزلر اوغلوم
سولماقین غنچه وقتینده والله قارداشیم محسنه بنزر اوغلوم
خیمهده سوسن و یاسیم آغلار گوزلریم مثل احساسیم آغلار
بولسـه میـداندا آوارهیم من حالیمه قولسـوز عباسیم آغلار
حاج حسین غفاری اردبیلی متخلص به ( غفاری )
نام نوحه: زبانحال امام در شهادت حضرت علیاصغر اثر:حاج حسین غفاری اردبیلی
زینبیـم گـل بـالام قانه باتدی امدی پیکانی گؤز یومدی یاتدی
گئــت دئنـن بختی قاره ربابه اصغریم سینـوین داشین آتدی
مـن دئدیم سووئرللر ایچر سو ایلیـر قمــری لر مثلی «کوکو»
بولمدیم بعضی اوچی سوورمیش اوخلانــا سـو کنارینده آهو
آل بـو قنـداقی منـدن آماندی غصهدن قلبیمین باشـی یاندی
بولمـرم اوخ نجـه دگـدی زینب کئچدی اوخ ساق قولوم پارچالاندی
حرمله قویدی بیر اوخ کمانه اصغرین دوتدی حلقین نشانه
تشنـه قربانیمـه دگجین اوخ قنداقـی دوشلوگی باتدی قانه
گوئیــا هئچ یارالی دگـولدی گل کیمی باخدی پیکانه گولدی
گئت ربابهدئه باشون ساق اولسون وئردیگون غنچه بیر دسته گولدی
اصغریمه او پیکان چوخ ایدی پهلوانی ییخان بیر اوخ ایدی
آرزیمین گوللری اولدی پـرپر گوئیا اصغریم هئچ یوخویدی
تیتـرهدی اوخ دگنــده ایاقـی تیتـرهدیم منـده اصغر سیاقی
بوسه آلدیم بوغازیندن افسوس بوسه سیز قالدی سولمیش دوداقی
اوخشیور گوزلریم ابره اوغلوم التمـاس ایلورم صبره اوغلوم
چوخ چتیندی آتا اؤز بالاسین اؤز الیلـن قویـا قبـره اوغلوم
قارداشیم اولمه سیدی گلردی اود دوتان قلبیمه سـو سپردی
من قویاندا سنی قبره اوغلوم قبروین اوسته توپراق تؤکردی
یات دئدی ای گـل پرپر اوغلوم گئت سنی فاطمـه گوزلر اوغلوم
سولماقین غنچه وقتینده والله قارداشیم محسنه بنزر اوغلوم
خیمهده سوسن و یاسیم آغلار گوزلریم مثل احساسیم آغلار
بولسـه میـداندا آوارهیم من حالیمه قولسـوز عباسیم آغلار
اذن ور اي شاه شاهان نطقه گلسين اصغرين
آشماموش ديل بير زبانحالي دانوشسون دلبرين
جان وروبدور جان ورن ساعتده رازوننان دسون
اوخ دين حنجر سوسوز عطشان بوغازوننان دسون
اي آتا من سود امر بير قهرمانم فخر اله
بير بيابان لشگر ايچره رجز خوانم فخر اله
تا بوغازدا جان واريدي يولداش اولدوم يالقوزا
سود امرده گور نه گوژ وار من همانم فخر اله
اي آتا من ياتموشيديم بستر اطفاليده
سو يوخيدي سود يوخيدي ايلييم افطاريه
ال قول آشدوم ناله چكديم تا سسيم باتدياتا
حنجريم خشك الدي حتي ناله ده يادي آتا
ايسي يل نازك لبي چوخ اينجيديردي سوزودان
سوز صحرا عاجز ادي مني حتي قوزودان
هي آنام تيتريردي آغلوردي حيادن بي صدا
من بالوخ تك لب آچوردوم او چالوردي دست و پا
حرمت توحيده ارباب اوز آنام اولدي رباب
حوم اربابه رباب آرام آرام اولدي آب
مهدي ترپتدي بلك آچدي ديه يل جانوما
يل لباسدان ايسي چنگين هي باتوردي قانوما
ضعفيدن بو تازه دنيا فيرلانوردي باشوما
ايله سزدوم كي تكان چيخميردي حتي قاشوما
هي عطش احوالي پرده سين توتوردي گوزلره
گوندوزون اوجي قرانلوخ كولگه سي دوشدي چوله
حس لر بير بير ياتوردي بير قولاق آماده دور
چول بوتون غرق صدادور هاي و هو غوغاده دور
فكر اديرديم كي عموم عباس هنوز هم زنده دور
قارداشوم اكبرله قاسم جنگيده رزمنده دور
من خيال ايليرديم الله لشكريم سر زنده دور
فكر اديرديم كربلاده عادلانه حمله دور
ناگهان بير سس اشيديم يوز عطشدن سهمگين
اوندا محشر بر پا اولدي سوز غيرتدن حسين
سن بويوردون قالموشام تك كيم گلر امداد الر
من ديريلديم قول قاناد آشدوم دديم اصغر ادر
سن امامت امتحانوندا مني قبول اله
اصغرون آماده دور اللرده ميدانه گده
لطف ادوبسن قبول ادون اصغري قربانلوغا
تحویل آلدون ناز دانن ايله دون احسان آتا
من ايشيخلاندوم دديم الله من ذبح اللهام
ثار الله دور حسين من ثار او ثار اللهام
ميدانا گد اي آتا قوخما بويوك اسماعيلم
گر چه آلتي آيلوغام بو چولده وآلله بير إل ام
دوزدي چوخ سز وار نايون يوخ دورگداخ من سُز ديوم
سُز ديوم گٌََُوز گوز ديوم تا روز محشر دوز ديوم
چوخ صدا لازم ديور هر سُز دِسَن ديل سیز ديوم
سن مني عرضه إله أسراري من ألسيز ديوم
نه فقط بو كوفيانه عالمه قاش ايلوم
چوخ بويوك سز وار گلوده اذن ور فاش ايليوم
چوخ آغوردي كربلا رازي مدد وِرَّوم سنه
باخما طفلم بير مدد من تا ابد ورم سنه
سنده چوخ گوژ وار، ولي نيرنگي من فاش ايلرم
بو خباثت طينتي فاش، مثل نقاش ايلرم
اذن ور اي شاه شاهان نطقه گلسين اصغرين
يحيي و عيسايه درس اورگدسين آخر دلبرين
من حسين اوغلي ،علي اولادي، يعني اصغرم
راز دار سينه ،اسرار وحي اكبرم
روح قُدسام حلقه قدُّوسيان دا ناموَر
من او استادم كي اهل قُدسا توحيد اورگدر
قُمري باغ حسينم ،پور آل حيدرم
من بني هاشم إلينده رازدار ديگرم
يوخ نياز عالمده مَكثه ،اوّل آخر من ده دور
عالم توحيده ،زيبنده مِنبر من ده دور
باخما أل قول دا توان يوخ ،روح هستي سينه ده
من حسين اولاديم ،تفسير مستي سينه ده
من بو ميداندا هامودان يِكّه بير رزمنده يم
تنگناي جنگ عرفاندا اَوَل جنگنده يم
من حسين رازي حسن سازي علي پروازيم
فاطمه اسراريم پيغمبره هم بازيم
غُرفه عِليّينَه گَل اُوردا عالمرده گَز
يول تاپا بولسن أگر، گَل إسم أعظم لرده گز
اوردا باخ گور كيمدي اصغر؟ اسم اعظم ،هم كبير
چوخ كبيرلر اوردا ،هر لحظه اُپَر پاي صغير
راز دار اهل بيتم امتحانه گلميشم
من مقيم وحدتم پس، كن فكانه گلميشم
عرضه ايله اي آتا اصغر گرك پرواز اده
سرّ مظلوميتي إبراز چوخ ممتاز اده
صيحه چك دينه خلايق طفل زاروم تشنه دور
نيت ايله اللّها دينه كي ياروم تشنه دور
صيحه چَك دِينه سوسوز دور دل كبابوم تشنه دور
نيت ايله اللها ده ، آب نابوم تشنه دور
عرضه ايله مست مغرور طينتين توكسون چوله
پشت پرده بلكه اوخ ديجاخ منه الله گوله
عرضه ايله پايه ظلم يزيدي سينديريم
عالم عرفاندا اهل قدسا توحيد آندوروم
اي آتا اسماعيلين آچ حنجرين تا پارلاسين
ايستمز گوز باغلاماخ ، گوي سوز بولن سوز آنلاسين
توت آتا جان تير اوچ شعبه بوغاز كج بيچميه
ذبحميز قبول اولا اما سنه اوخ ساچميه
باخ آتا جان حرمله آماده دور من گوز آچوخ
اذن ور هنگامه گورتولسن ، منه وِر موشتولوخ
اوندا دشمن مست دنيا ايستدي تا قان آخا
أل گِديب اوخ گَلدي قدرتله بوغازا باش تاخا
آخدي قان ،يومدي گوز اولدوز، تيتردي أل ،قول دوشوب
كفر اوجا يتدي ،ايمان أعلا يرده أگلشوب
ظلم اوين ييخدي علي نين قاني إستبداد سينيب
مين آيون حكومتي سوي سقوطه هي أنيب
گشدي دنيا دوشدي اهل ظلم بير بير، سر به سر
حرمله ياندي، الولاندي ،پيشيب دور تا جگر
لعنت سخت شديد حاكمه اولدي دچار
ظلم ايله هيچ كس تاپاماز عزت و قرب و وقار
هچ كس عالمده يزيده به به و أحسن دمور
هچ بير انسان او پليده چهچه و سن سن دمور
اما هر كس نام پاك اهل بيتي ياد إدور
جان قرار تاپمور بدون اذن معراجه گدور
نام اصغر افتخار عالمين اولدي بيزه
جايگاه اصغر عالي ،آدي دين اولدي بيزه
منی ترک ائدیب گئدیرسن هارا ای وفالی قارداش
منی ترک ائدیب گئدیرسن هارا ای وفالی قارداش
سنیلن گئدیر منیمده ائلیمین جلالی قارداش
***
یئنه قم لر آتلانیبدیر ا و ر ه گینده کشمکشدیر
دئمیره م کی گئتمه قارداش بیلیره م کی سون گئدیشدیر
بو جهاد اکبر ، اصغر سنه بیر ایچیم سو ایشدیر
منه آمما چوخ چتیندیر کی آتام وصالی قارداش
***
گوره کیم عو قا بین اوسته اوتوروبدو شاهبازی
دئیر ای خدا نده ندیر بو حقیقتین مجا زی
سالیب اول رسا لی قدین ائله حیرته حجازی
گوره سرو اگر بو قددی گئده ر اعتیدالی قارداش
***
بیلیره م کی اود لانیرسان ال - آیاق چالاندا اصغر
اوجالا ندا گیزلین آهیم سنی ایله ییر مو کد ده ر
منه یا ر اولان بو چولده سنیلن باجین برابر
ائشیدیبدی کی گئدیرسن پوزولوبدو حالی قارداش
***
عله مین اسنده گویده اوره گیم سر ین له یه ردی
اوره گیم سرین له یه رکن سنه دردینی دییردی
هامی دردینه ده ین ال ائله دردیمه ده یه ردی
منه دردینی دئمه زدین نده ن ای حیالی قارداش
***
نه دئیم نه حاله قالدین سو یو لون عدو هورنده
اوره گینده قوپدو طوفان علی اصغر ی گورنده
آتامی گوره ن کی گوردو سنی رزم آتین سورنده
دئدی اولما بو علی دیر ، آتامین میثالی قارداش
***
سن او آی سان آی هر آخشام چوکوده ر اونونده داغ دیز
دایاغیم داغیم آماندیر بو بلالی چولده سنسیز
بو گئجه بو یول کسن لر تاپا گر رو قییه ده ن ایز
نه من اوللام اوندا نه سن پو زو لار جمالی قارداش