.jpg)
خلّاق جهان گتدی ایجاده اباالفضلی
ارباب عشق
اشعار
اشعارحاج انور (ره)]شهادت حضرت علی اصغر ع
.jpg)
اشعارحاج انور (ره)]شهادت حضرت علی اصغر ع
حرمله ایری کماندا دوز اوخا ویردی مکان
ایتدی اوچ پر تیکانا غنچه نوبازی نشان
او قوی دست چکوب شدت قهریله کمان
اوخ یولا دوشدی هوا اوسته مسیرین تاپدی
عجلیله صود اسیرین سو اسیرین تاپدی
ساغر صبری او پیکان عداوت جالادی
دگدی نازک بوغازا شاه رگین پارچالادی
دئین اولمادی بیر آز رحم ایله دلسیز بالادی
سن که بو حالتیله پارچالادون آی پاراسین
عمه سی نه آناسی باغلیا بیلمز یاراسین
دم فولادیله یوخ نسبتی ریحان ترون
آدون اوخدور ولی خنجر کیمی واردور کسرون
اوچ یره بولدی بوغازین بونون اوچ تیزپرون
خوار اولیدی سنی گل برگنون اوسته آتانی
دیجگین یاره لدون هم بالانی هم آتانی
آغ گیندیردی گوزل اوغلونا بیچاره رباب
سو تمناسینه گوندردی ئورکده تب و تاب
قلب زهرانی ایدیب حرمله نون ظلمی کباب
جان ویرن وقته او دلسیز بالانین چمکی نازین
گوزلرین باغلادی اول صورا اوپدی بوغازین
دگدی اوخ اسدی او طفلین چنه سی هم بدنی
سوز بیله گلدی ندوم ایلمه تنقید منی
ساده تشبیه وروم حالی ایدیم درده سنی
دوشدی نه حاله خبر آلما ربابون چیچیگی
تیز قیچیله تصور ایله نازک ایپگی
لاله مثلی بویادی دوشلوگون آخدوقجا قانی
مرغ بسمل کیمی مظلوم بالانون چخدی جانی
باغبان چکدی گلون اوستن او اوچ پر تیکانی
دئدی اوغلوم سنه اوخ خوان جفادن پایئمش
بو فنا دهرده عمرون ایله آلتی آیئمش
پهلوان ئولدورن اوخ دگدی یازیق بیر اوشاقا
نرم و نازک بوغازی آچدی قولاقدان قولاقا
نه پذیرائیدی بو حرمله ایتدی قوناقا
حقی واردور آنووین باخدیقیجا قلبی یانا
اللریم اوسته جنازون گیدیم ایندی هایانا
قاتلون قوشدی سنون یاسووی اکبر یاسینا
بیر نفر حالی اولان یوخ اورگیم احساسنا
خبرون یوخدی نجه دوشموشم اوز دالداسینا
خاریله برگ گلی پارچالیان اولسون خوار
حلقوین یارسینی گورسه رقیم قورخار
بیله یاتدون بالا یوخ بیرده آیلماق هوسون
کسلوب برده اوجالماز نه سیزیلتون نه سسون
لبلرون گلدی ، نیه گلدی باتاندا نفسون
متبسم دوداقون محنتوی آندیردی
گولمگون آغلاماقوندان منی چوخ یاندیردی
سنسا گل بوته سی ، اوستوندن اولار آویزان
بوینون اوستونده باشون قالدی ایله نامیزان
ایتدی اوخ تازه آچان غنچه نی شبنم ریزان
قاره سی سوزدی گوزل گوزلرینون قالدی آغی
یل کچرتدی ایله بیل شعله سی آز بیر چراغی
اکبرین درد و غمیندن چتین اولدی محنون
قرمزی لاله سی وار سن کیمی هانسی چمنون
خوردا سید یاشلون قرمز اولوب باشدا سنون
پر طاووس مثالی بزنوب قول قانادون
ایدورم بوسه لبوندن قالا آغزیمدا دادون
اولمیوب هیچ ملر آهو بیله صیاده دچار
گیت بو باغلی بلگون بندینی حورالر آچار
صدمه یتسه قفسه قوش پر آچار ، فوری اوچار
سیندی جسمون قفسی سد حیاتی یخدی
جان قوشون شهپر آچوبدور بو غازیندان چخدی
حاج انور_اردبیلی
اشعار حاج انور زینبا عباسیم ئولدی دیده گریان گلمیشم
حاجی انور اردبیلی
زینبا عباسیم ئولدی دیده گریان گلمیشم
دوغرانوب سرلشکریم سر در گریبان گلمیشم
من حسینم ساغر عشقون ازلدن مستیم
قاچمارام غمدن باجی عاشقلره سردستیم
آی محاقه دوشدی من سیریمده گون تک خستیم
جمع اولون اطرافیمه حالی پریشان گلمیشم
نسگلی چوخدور اورکده باشلیوم هاردان سوزی
پرچمه باخسوز بیلرسوز نه حالا قالمش ئوزی
بیر گوزی آخمشدی قانیله دولیدی بیر گوزی
ائتمیشم بوسه او گوزدن لبلریم قان گلمیشم
زندگی رختین اونی قولسوز گورندن سویمشام
آند اولا مظلوم ابوالفضله جهاندان دویمشام
سروی حیران ایلین قدین بوداقسز قویمشام
اولمشام اما بوداقسیز سروه حیران گلمیشم
جامهِ اشکی بو معواده گرکدور گوز ،گیه
بیر سوزوم واردی اثر ایلر سنه هم اوزگیه
هیچ گوروبسن بیر داشی آیا دگنده گوزگیه؟ ۱
من قویوب میداندا اوحالدا عباسی الان گَلمیشم
گوزگی به معنی آینه است
شاعر:استاد حاج انور اردبیلی
اشعار استاد منزوی اردبیلی]
[Forwarded from اشعار استاد منزوی اردبیلی]
شهادت حضرت علی اکبر( ع )
جهاندا گورمسین هیچ بینوا اوغول ئولومی
هزار درده ایدر مبتلا اوغول ئولومی
جوان اوغول یریینده آتا اولار مسرور
ایدر آتانی قوجا وقتی شیر تک مغرور
اوغول ئوله آزالار فوری گوزلریندن نور
تز ئولدورر آتانی ای بسا اوغول ئولومی
بلی آتا گوزینه صبح تک ضیادی اوغول
گوزونده نور دیزینده بیوک قوادی اوغول
آتا قوجالسا النده گوزل عصادی اوغول
ویرر آتانون الینه گوزل عصا اوغول ئولومی
سئوال اولوندی بو سوز خاتم رسالتدن
ندور مصیبت اعظم هامی مصیبتدن
بفوری گوزلری ایسلاندی اشک حسرتدن
بویوردی قلبه ورار چوخ یارا اوغول ئولومی
دیدیلر ایله دوباره بیزه بو سری علن
ندور چتین بو مصیبتدن ای رسول زمن
دیدی اوغول ئوله تازه گلین چخا ایودن
ایله چتیندی که دوشمز یادا اوغول ئولومی
ایا رسول خدا آغلا نور عینون تک
گوتور عماموی ئوز شاه مشرقینون تک
اوغول اولا علی اکبر آتا حسینون تک
گور ایندی نیلر ایله مه لقا اوغول ئولومی
اوغول جنازه سی اوسته او سرور شهدا
دیوبدی حسرتیله یدی دفعه وا ولدا
گوروب قولاقینه گلمور اوغول سسی ابدا
دیدی نه مشگل اولور ای خدا اوغول ئولومی
ئورک دوزنمدی اسدی اوغول فراقندن
آلشدی جان و دلی ناز اشتیاقندن
اگلدی یوزیوه قویدی ئوپوپ دوداقندن
دیدی اوغول ایدر عمری فنا اوغول ئولومی
غریب آتون باشون اوسته ورور الین الینه
عمامه سین گوتوروب ختم مرسلین الینه
اوغول آنون الوی ویرمدی گلین الینه
اونیدا ایلدی بخت قرا اوغول ئولومی
واروندی دل دوداقونده اگر چه یاره دانش
گوزون فداسی اولوم ایلمه اشاره دانش
دلون تکلمه عاجزدی پاره پاره دانش
ایویمی یخدی بو قدی رسا اوغول ئولومی
استاد منزوی اردبیلی
شعر حاج منعم
⚫️مناجات حضرت امام حسین در قتلگاه
جبریل امین گلدی اوگون کرب وبلایه
گوردی یخیلوبدور یارالی تشنه منایه
شهپرلرینی روح الامین آچدی هوایه
سالدی یارالی پیکرینون اوستونه سایه
شاه شهدا گوردی گونون نوری آلیندی
حس ایلیدیکه اوستونه بیرسایه سالندی
قانیله دولان گوزلرین آچدی ددی کیمسن
عرض ایلدی قربانون اولوم نوکرووم من
دنیاده حسینیم نجه غملر یمیشم من
گهواره ده بیرایل سنه لای لای دمیشم من
امرایلدی چک شهپروی فوری کناره
ایلور یارالی عاشقه معشوق نظاره
سن دورما چکیل عاشق ومعشوق آراسیندا
عاشق اودی که لخته لنه قان یاراسیندا
عاشق اودی که آتش معشوقینه یانسون
عاشق اودی که عشقیده مردانه دایانسون
عاشق اودی که باشدان ایاقه یارالانسون
بیر سینه ده دورت مین یارا القانه بویانسون
به به نه گوزل سس وروری اوخلار هواده
هیچ نغمه ی داوود اولانماز بو صداده
بیرذره اذیت ایلمور یاره لی سینم
هیچ بیلمیورم هاردا قالوب نازلی رقیم
این شعر زیبا متعلق به استاد مبرور حاج منعم اردبیلی است.
التماس دعا
قتلگاه امام حسین با صدای جاودان حاج سلیم سال 1360
قتلگاه امام حسین با صدای جاودان حاج سلیم سال 1360
/torki/salim/haj.salim-albom002-4.mp3
http://s1.mosalman.net/torki/salim/haj.salim-albom002-4.mp3
درباره وبلاگ
به وبلاگ من خوش آمدید